Mateo 1:25 - BAIBLO ALOO NGMAMI KLƆUKLƆU Ɔ

²⁵ Se e kɛ lɛ na we nyumu kɛ yo bɔmi hluu kɛ ya su be nɛ Maria fɔ binyumu. Nɛ Yosef wo lɛ biɛ ke Yesu.

Somi He Ɔ

²⁵ se e li lɛ nyumu kɛ yo hluu kɛ ya su be nɛ e fɔ e bi tete ɔ, nɛ e wo lɛ biɛ ke Yesu.

Mateo 1:25 ပူးပေါင်းရင်းမြစ်များ

Samuel II, 6:23

Saul biyo Mikal fɔ we kɛ ya si e gbenɔ ligbi.

Matsɛmɛ I, 1:4

Yiheyo nɛ ɔ he ngɛ fɛu saminya. E ba hi matsɛ ɔ he, nɛ e hyɛ lɛ, se matsɛ ɔ tɛ e he.

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Mose II, 22:29

“Ngɔɔ ngma, wai, kɛ oliv nu nɛ je o ngmɔ ɔmɛ a mi ɔ kɛ ba sã bɔ ha mi ngɛ be nɛ sa mi. “Ngɔɔ o bitɛte ɔmɛ kɛ ba ha mi.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Mateo 1:24

Lɔ ɔ he ɔ, benɛ Yosef hɛ tsɛ̃ kɛ je mahe ɔ mi ɔ, e pee bɔ nɛ Nyɔmtsɛ ɔ bɔfo ɔ de lɛ ɔ, nɛ e ngɔ e yo ɔ.

Luka 1:31

Hyɛ, o ma na mi, nɛ o ma fɔ binyumu, nɛ o maa wo lɛ biɛ ke Yesu.

Luka 2:21

Otsi se, benɛ jokuɛ ɔ pomi be su ɔ, a wo lɛ biɛ ke Yesu, biɛ nɛ bɔfo ɔ ha lɛ loko Maria ngɔ e hɔ ɔ.

Luka 2:7

E fɔ e kekleekle bi, nɛ e ngɔ bo kɛ blaa lɛ, nɛ e kɛ lɛ fɔ lohwehi a niye ní daka mi; ejakaa a nɛ blɔ ngɛ nibwɔhi a to he ɔ.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.