Mateo 1:23 - BAIBLO ALOO NGMAMI KLƆUKLƆU Ɔ

²³ “Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Somi He Ɔ

²³ “Oʼɛ, zangmayo ɔ ma na muklii, nɛ e ma fɔ binyumu, nɛ a maa wo lɛ biɛ ke: Yimanuel” (e sisi ji: “Mawu kɛ wɔ ngɛ”).

Mateo 1:23 ပူးပေါင်းရင်းမြစ်များ

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Romabi 9:5

A mi nɛ wa nɛmɛ ɔmɛ je, nɛ Kristo ɔ tete a nina ji lɛ ngɛ he lo nya. Kristo ɔ ji Mawu Ope ɔ nɛ yeɔ nihi tsuo a nɔ ɔ nɛ. A je e yi kɛ ya neneene! Amen.

2 Korintobi 5:19

Nɔ́ nɛ i ngɛ tsɔɔe ji kaa kɛ gu Kristo nɔ ɔ, Mawu ngɔ je ɔ tsuo he yayami kɛ pa mɛ, nɛ e ngɛ e kɛ je ɔ tsuo a kpɛti dlae; nɛ sɛ gbi nɛ e tu ngɔ wo wa dɛ mi ji kaa e suɔ nɛ a dla e kɛ je ɔ tsuo a kpɛti.

Ni Tsumi 18:9

Ligbi ko nyɔ mi ɔ, Nyɔmtsɛ ɔ de Paulo ngɛ nina mi ke, “Koo ye gbeye, se mohu fiɛ munyu ɔ. Ko ma o nya,

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Mateo 1:24

Lɔ ɔ he ɔ, benɛ Yosef hɛ tsɛ̃ kɛ je mahe ɔ mi ɔ, e pee bɔ nɛ Nyɔmtsɛ ɔ bɔfo ɔ de lɛ ɔ, nɛ e ngɔ e yo ɔ.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Luka 20:44

Ke David tsɛɔ Kristo ɔ ke, ‘Nyɔmtsɛ’ ɔ, kɛ peeɔ kɛɛ nɛ Kristo ɔ ba peeɔ David nina mɔ?”