Mateo 1:19 - BAIBLO ALOO NGMAMI KLƆUKLƆU Ɔ

¹⁹ E huno Yosef ɔ, nɔmlɔ nɛ peeɔ nɔ́ nɛ da ji lɛ, nɛ e hla we kaa e ma pue Maria hɛ mi si. Lɔ ɔ he ɔ, e to kaa e maa ngmɛɛ e he kpoo.

Somi He Ɔ

¹⁹ Se Yosef, e huno ɔ, akɛnɛ dalɔ ji lɛ nɛ e hla we kaa e bɔ lɛ ahlua a, e susu kaa e maa ngmɛɛ e he kpoo.

Mateo 1:19 ပူးပေါင်းရင်းမြစ်များ

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”

Mose I, 6:9

Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní.

Mose III, 19:20

“Ke nyumu ko kɛ nyɔguɛ yo ko nɛ a bi e si ha nyumu kpa na bɔmi be mi nɛ a kpɔ̃ we lɛ, loo e yi e he lolo ɔ, a hla munyu ɔ mi. A ko gbe mɛ, ejakaa nyɔguɛ ɔ yi e he lolo.

Mose III, 20:10

Ke Israel no ko kɛ e nyɛmi Israel no e yo na bɔmi ɔ, a puɛ gba; á gbe nyumu ɔ kɛ yo ɔ tsuo.

Marko 10:4

A he nɔ ke, “Mose ngmɛ blɔ kaa ke nɔ ko maa fie e yo ɔ, e ngma fiemi womi, nɛ e wo lɛ blɔ.”

Marko 6:20

Herode nitsɛ hu ngɛ Yohane gbeye yee, ejakaa e le kaa Yohane ɔ, nɔmlɔ kpakpa, kɛ nɔ klɔuklɔu ji lɛ; lɔ ɔ he ɔ, e ngɔ lɛ ngɔ to slɔkee. Herode suɔ kaa e bu lɛ tue lɛɛ, se be tsuaa be nɛ e maa nu munyu kɛ je Yohane nya, e haoɔ lɛ.

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Ni Tsumi 27:39

Benɛ je na a, lɛ ɔ mi ní tsuli ɔmɛ li wo kpo he nɛ a ba su ɔ, se a na wo nya kɔtɔmi he ko kɛ e nya zia, nɛ a pee a yi mi kaa ke a ma nyɛ ɔ, a maa ngɔ lɛ ɔ kɛ ya sa si ngɛ lejɛ ɔ.

2 Korintobi 1:15

Kikɛmɛ a ní nɛ ɔmɛ nɛ i le saminya a a he je nɛ i to ye yi mi kekle ɔ kaa ma ba slaa nyɛ, konɛ nyɛ na gbaami ɔ si enyɔ.

Mose V, 22:20

“Se ke sane ɔ ngɛ mi niinɛ, nɛ okadi nɔ́ ko be nɛ tsɔɔ kaa e huno ɔ na lɛ ngɛ we ɔ,