Mateo 1:12 - BAIBLO ALOO NGMAMI KLƆUKLƆU Ɔ

¹² Benɛ a ngɔ mɛ nyɔguɛ kɛ ya Babilon se ɔ, Yehoyakin fɔ Shealtiel, nɛ Shealtiel fɔ Zerubabel.

Somi He Ɔ

¹² Benɛ a ngɔ mɛ nyɔguɛ kɛ ho Babilon ya se ɔ, Yokonia fɔ Sealtiel, nɛ Sealtiel fɔ Zerubabel;

Mateo 1:12 ပူးပေါင်းရင်းမြစ်များ

Matsɛmɛ II, 24:14

Nebukadnezar ngɔ Yerusalem ma mi bi ɔmɛ, ganɔ ɔmɛ, kɛ katsɛmɛ ɔmɛ tsuo nyɔguɛ kɛ je; mɛ tsuo pɛpɛɛpɛ a yibɔ ji akpe nyɔngma. E nuu ga ní tsuli, kɛ sɔli tsuo kɛ je; nimli gu ɔmɛ nɛ be nɔ́ ko mi ɔ pɛ ji ni nɛmɛ nɛ piɛ ngɛ Yuda.

Matsɛmɛ II, 25:27

Jeha mi nɛ Evilmerodak ba bɔni tsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ ngɛ tsu mi. Nɛ́ a nu Yehoyakin kɛ ya wo tsu ngɛ ma se ɔ, jeha nyingmi etɛ kɛ kpaagone ɔ we nyɔhiɔ nyɔngma kɛ enyɔ ɔ we ligbi nyingmi enyɔ kɛ kpaago ɔ nɔ nɛ a je lɛ.

Kronika I, 3:17

Matsɛ Yehoyakin nɛ Babilonia bi ɔmɛ ba ngɔ lɛ kɛ ho ɔ, e nina ji nɛ ɔmɛ nɛ. Yehoyakin ngɛ binyumuhi nɛ a tsɛɛ mɛ Shealtiel,

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Nehemia 12:1

Osɔfohi kɛ Levi bi nɛ kpale kɛ je ma se kɛ ba a, a kɛ Shaeltiel bi Zerubabel, kɛ osɔfo nɔkɔtɔma pe kulaa nɛ a tsɛɛ Yoshua a nɛ ba. A biɛhi ji nɛ ɔmɛ nɛ:

Yeremia 22:24

Yawɛ de Matsɛ Yehoyakin, Yuda matsɛ, Yehoyakim bi ɔ ke, “Ligbi abɔ nɛ ye hɛ ngɛ nɛ ɔ, ke mo ji womi nya sɔumi nɔ́ ngɛ ye hiɔ nine nguɛ he po, ma je mo kɛ je lejɛ ɔ,

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 22:30

“A gbiɛ nyumu nɛ ɔ gbidigbidi, e be bimɛ nae kɔkɔɔkɔ; e be nɔ yae gblegbleegble e wami be ɔ tsuo. E be nina nae nɛ ma ba ye tsɛ ngɛ David se, ngɛ Yuda zugba a nɔ. Imi, Yawɛ lɛ i de.”

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Hagai 1:12

Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Hagai 1:14

Yawɛ wo nɔ tsuaa nɔ mumi mi he wami kɛ ha ní tsumi ɔ: Sheatiel bi Zerubabel, Yuda ma a we amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ni ɔmɛ tsuo nɛ je ma se kɛ ba a. Mɛ tsuo a bɔni Yawɛ Tabohiatsɛ, a Mawu ɔ we ɔ he ní tsumi

Hagai 2:2

E de Hagai ke e de Sheatiel bi Zerubabel, Yuda ma a amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ma a tsuo ke,

Hagai 2:23

Jamɛ a ligbi ɔ, ma ngɔ mo, ye tsɔlɔ Zerubabel, Sheatiel bi ɔ, nɛ ma wo mo tsɛ ngɛ ye biɛ mi. Mo ji nɔ nɛ i je blɔ hla.” Yawɛ Tabohiatsɛ ɔ lɛ de.

Mateo 1:11

Yosia fɔ Yehoyakin, kɛ e nyɛmimɛ ɔmɛ, be mi nɛ a ba ngɔ mɛ nyɔguɛ kɛ ho Babilon ya a.

Mateo 1:13

Zerubabel fɔ Abiud, nɛ Abiud fɔ Eliakim, nɛ Eliakim fɔ Azor.

Mateo 1:17

Lɔ ɔ he ɔ, kɛ je Abraham nɔ kɛ ba su David nɔ ɔ peeɔ yi nɔ nyɔngma kɛ eywiɛ. Kɛ je David nɔ kɛ ba su be nɛ a ngɔ ma a nyɔguɛ kɛ ya Babilon ɔ peeɔ yi nɔ nyɔngma kɛ eywiɛ. Kɛ je jamɛ a be ɔ kɛ ba su be nɛ a fɔ Kristo ɔ, lɔ ɔ hu peeɔ yi nɔ nyɔngma kɛ eywiɛ.

Luka 3:27

Yoanan bi ɔ, Resa bi ɔ, Zerubabel bi ɔ, Shealtiel bi ɔ, Neri bi ɔ,