Mateo 1:11 - BAIBLO ALOO NGMAMI KLƆUKLƆU Ɔ

¹¹ Yosia fɔ Yehoyakin, kɛ e nyɛmimɛ ɔmɛ, be mi nɛ a ba ngɔ mɛ nyɔguɛ kɛ ho Babilon ya a.

Somi He Ɔ

¹¹ nɛ Yosia fɔ Yékonia kɛ e nyɛmimɛ ɔmɛ benɛ a ba ngɔ mɛ nyɔguɛ kɛ ho Babilon ya a.

Mateo 1:11 ပူးပေါင်းရင်းမြစ်များ

Matsɛmɛ II, 23:31

Yoahaz ye jeha nyingmi enyɔ kɛ etɛ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ nyɔhiɔ etɛ. E nyɛ biɛ ji Hamutal. Yeremia nɛ je Libna a biyo ji lɛ.

Matsɛmɛ II, 24:14

Nebukadnezar ngɔ Yerusalem ma mi bi ɔmɛ, ganɔ ɔmɛ, kɛ katsɛmɛ ɔmɛ tsuo nyɔguɛ kɛ je; mɛ tsuo pɛpɛɛpɛ a yibɔ ji akpe nyɔngma. E nuu ga ní tsuli, kɛ sɔli tsuo kɛ je; nimli gu ɔmɛ nɛ be nɔ́ ko mi ɔ pɛ ji ni nɛmɛ nɛ piɛ ngɛ Yuda.

Matsɛmɛ II, 25:11

Ni nɛmɛ nɛ piɛ ngɛ ma a mi, kɛ ni nɛmɛ nɛ kú nigii kɛ ho Babilonia matsɛ ɔ ngɔ ya a, Nebuzaradan ngɔ mɛ tsuo kɛ ho Babilonia ya.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Kronika II, 36:20

Ni nɛmɛ nɛ a yi na wami ɔ, e muɔ mɛ kɛ ho Babilonia ya, nɛ a ya sɔmɔ lɛ, kɛ e nina hluu kɛ ya si be nɛ a to Persia matsɛ yemi ɔ sisi.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Yeremia 39:9

Nebuzaradan, tatsɛ ɔ nuu nihi nɛ piɛ ngɛ ma a mi ɔ, kɛ ni nɛmɛ nɛ ku kɛ ba piɛ e he ɔ kɛ ho Babilonia ya.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Mateo 1:12

Benɛ a ngɔ mɛ nyɔguɛ kɛ ya Babilon se ɔ, Yehoyakin fɔ Shealtiel, nɛ Shealtiel fɔ Zerubabel.

Mateo 1:17

Lɔ ɔ he ɔ, kɛ je Abraham nɔ kɛ ba su David nɔ ɔ peeɔ yi nɔ nyɔngma kɛ eywiɛ. Kɛ je David nɔ kɛ ba su be nɛ a ngɔ ma a nyɔguɛ kɛ ya Babilon ɔ peeɔ yi nɔ nyɔngma kɛ eywiɛ. Kɛ je jamɛ a be ɔ kɛ ba su be nɛ a fɔ Kristo ɔ, lɔ ɔ hu peeɔ yi nɔ nyɔngma kɛ eywiɛ.