Marko 9:50 - BAIBLO ALOO NGMAMI KLƆUKLƆU Ɔ

⁵⁰ “Ngo hi, se ke ngo nya nyu gbo ɔ, kɛ a maa pee lɛ kɛɛ nɛ e maa doo ekohu? Nyɛ ha nɛ ngo su kpakpa nɛ ɔ nɛ hi nyɛ mi, konɛ nyɛɛ kɛ nyɛmimɛ nɛ hi si ngɛ he jɔmi mi.”

Somi He Ɔ

⁵⁰ Ngo ngɔɔ; se ke ngo ngɔmi ta a, mɛni nyɛɛ kɛ maa wo lɛ ngo ekohu? Nyɛ ha ngo nɛ hi nyɛ mi nɛ nyɛɛ hi si ngɛ he jɔmi mi.”

Marko 9:50 ပူးပေါင်းရင်းမြစ်များ

Hiob 6:6

Anɛ a yeɔ ní muɛtɛ nɛ a nɛ ngo lo? Kungwɔ hlui mi ehiɔ ɔ, mɛni ngɔmi lɛ ngɛ mi?

La 133:1

Hyɛ bɔ nɛ e hi, bɔ nɛ e ngɛ fɛu, ke nyɛmimɛ pee kake kɛ hi si!

La 34:14

Jɔɔ yayami peemi, nɛ o pee kpakpa. Hla tue mi jɔmi, nɛ o nyɛɛ se.

Ezekiel 43:24

Ngɔɔ mɛ kɛ ba ha Yawɛ. Osɔfo ɔmɛ maa ngɔ ngo kɛ fĩa a nɔ, nɛ a kɛ mɛ maa sã sami bɔ kɛ ha imi Yawɛ.

Mateo 5:13

“Nyɛ ngɛ kaa ngo kɛ ha je ɔ. Se ke ngo nya nyu gbo ɔ, mɛni a kɛ ma futu lɛ, nɛ e maa dooɔ ekohu? E he be se nami hu kaa ja a tsɛ̃ pue he, nɛ nimli naa nɔ.

Marko 9:34

Se a pɛ̃ nya mi, ejakaa benɛ a ngɛ blɔ ɔ nɔ kɛ ma a, a hla mi ngɛ a kpɛti kaa mɛnɔ ji nɔmlɔ ngua pe kulaa.

Marko 9:49

“A kɛ la maa tsu nɔ tsuaa nɔ he kaa bɔ nɛ a kɛ ngo tsuu bɔ nɛ a sã he ɔ.

Romabi 12:18

Ke e maa hi ɔ, nyɛɛ bɔ mɔde nɛ nyɛɛ kɛ nɔ tsuaa nɔ nɛ hi si ngɛ he jɔmi mi.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.

1 Tesalonikabi 5:13

Nyɛɛ bu mɛ saminya, nɛ nyɛɛ suɔ mɛ ngɛ ní tsumi nɛ a ngɛ tsue ɔ he. Nyɛ nitsɛmɛ hu, nyɛɛ hi si ngɛ tue mi jɔmi mi.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Yakobo 1:20

Mi mi fumi ha we nɛ nɔ peeɔ Mawu suɔmi nya ní.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.