Marko 9:44 - BAIBLO ALOO NGMAMI KLƆUKLƆU Ɔ

⁴⁴ Lejɛ ɔ, ‘gɔgɔ nɛ yeɔ mɛ, kɛ la nɛ sãã mɛ ɔ gbo we gblegbleegble.’]

Somi He Ɔ

⁴⁴ he nɛ ‘a gɔgɔ ɔmɛ gbo we, nɛ a la a hu gbo we ngɛ’ ɔ.]

Marko 9:44 ပူးပေါင်းရင်းမြစ်များ

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Marko 9:43

Lɔ ɔ he ɔ, ke o nine haa nɛ o peeɔ yayami ɔ, poo; afani nɛ o kɛ nine kake sɛ wami mi pe nɛ o kɛ nine enyɔ maa ya Abosiami a je la a nɛ gbo we gblegbleegble ɔ mi. [

Marko 9:45

Ke o nane haa nɛ o peeɔ yayami ɔ, poo; afani nɛ o kɛ nane kake sɛ wami mi pe nɛ o hɛɛ nane enyɔ nɛ a ma sake mo ngɔ fɔ Abosiami a je la a mi. [

Marko 9:48

Lejɛ ɔ, ‘gɔgɔ nɛ yeɔ mɛ, kɛ la nɛ sãã mɛ ɔ gbo we gblegbleegble.’

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”