Marko 9:43 - BAIBLO ALOO NGMAMI KLƆUKLƆU Ɔ

⁴³ Lɔ ɔ he ɔ, ke o nine haa nɛ o peeɔ yayami ɔ, poo; afani nɛ o kɛ nine kake sɛ wami mi pe nɛ o kɛ nine enyɔ maa ya Abosiami a je la a nɛ gbo we gblegbleegble ɔ mi. [

Somi He Ɔ

⁴³ Ke o nine ngɛ o nane kpatae ɔ, poo; afani nɛ o kɛ nine kake sɛ wami mi pe nɛ o kɛ nine enyɔ maa sɛ gehena (abosiami a je) ngɛ la nɛ gbo we ɔ mi, [

Marko 9:43 ပူးပေါင်းရင်းမြစ်များ

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Mateo 17:27

Se bɔ nɛ pee nɛ wa ko tsɔ̃ nimli nɛ ɔmɛ a nya a, yaa wo ɔ nya nɛ o ya fɔ gbowe. Kekleekle lo nɛ ma ba mi gbowe ɔ, sá lɛ. Hyɛ lo ɔ nya mi, nɛ o maa na sika nɛ maa su i kɛ mo tsuo wa sɔlemi we ɔ he tó ɔ nya. Ngɔɔ nɛ o kɛ wo wa tó ɔ.”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Marko 9:44

Lejɛ ɔ, ‘gɔgɔ nɛ yeɔ mɛ, kɛ la nɛ sãã mɛ ɔ gbo we gblegbleegble.’]

Luka 14:13

Ke o ngmɛ okplɔɔ ɔ, tsɛ ohiatsɛmɛ, glɔtsɛmɛ, pɔ̃tsɛmɛ, kɛ hɛ yuyuili mohu;

Luka 14:21

Tsɔlɔ ɔ kpale e se, nɛ e ya bɔ e nyɔmtsɛ ɔ amaniɛ. Wetsɛ ɔ mi mi fu wawɛɛ, nɛ e de tsɔlɔ ɔ ke, ‘Jee kpo esɔ kɛ ya gbɛjegbɛ ɔmɛ a nɔ, kɛ blohu ɔmɛ a mi ngɛ ma a mi, nɛ o ya ngɔ ohiatsɛmɛ, glɔtsɛmɛ, hɛ yuyuili, kɛ pɔ̃tsɛmɛ kɛ ba hiɛ ɔ.’

Luka 3:17

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble.”

Romabi 8:13

Ejakaa ke nyɛ peeɔ he lo nya níhi ɔ, nyɛ ma gbo; se ke Mawu mumi ɔ ha nyɛ kpa níhi nɛ nɔmlɔ tso ɔ suɔ ɔ tsumi ɔ, nyɛ yi ma na wami.

1 Korintobi 9:27

Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

Tito 2:12

Dloomi nɛ ɔ bɔɔ wɔ kɔkɔ kaa wa kpa yayami peemi, nɛ wa ko di je nɛ ɔ mi akɔnɔ níhi a se. E tsɔɔ wɔ kaa waa hyɛ wa he nɔ saminya; waa pee nɔ́ nɛ da, nɛ waa ye Mawu gbeye,

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.