Marko 9:29 - BAIBLO ALOO NGMAMI KLƆUKLƆU Ɔ

²⁹ E de mɛ ke, “Kikɛmɛ a mumi nɛ ɔ, nɔ́ ko nɔ́ ko nyɛ we lɛ hiami, ja sɔlemi.”

Somi He Ɔ

²⁹ Nɛ e de mɛ ke: “Kikɛmɛ a henɔ nɛ ɔ ɔ, a nyɛ we lɛ hiami ngɛ nɔ́ ko nɔ́ ko nya, kaa ja ngɛ sɔlemi nya kɛkɛ.

Marko 9:29 ပူးပေါင်းရင်းမြစ်များ

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Mateo 17:21

Se mumi nɛ ɔ, ja sɔlemi, kɛ ngma himi pɛ a kɛ ma nyɛ hia.]

Marko 9:28

Benɛ Yesu ba we mi ɔ, e kaseli ɔmɛ bi lɛ zaa ke, “Mɛni he je nɛ wɔɔ lɛɛ wa nyɛ we mumi ɔ nɛ waa hia a?”

Marko 9:30

Yesu kɛ e kaseli ɔmɛ je lejɛ ɔ, nɛ a ya gu Galilea. E sume kaa nɔ ko nɛ le he nɛ e ngɛ,

Luka 11:26

Jehanɛ ɔ, e yaa nɛ e ya ngɔɔ mumi yayami kpahi kpaago nɛ a nya wa pe lɛ nitsɛ kɛ baa, nɛ e kɛ mɛ ba hii lejɛ ɔ. Nyagbe ɔ, kikɛmɛ a nɔmlɔ nɛ ɔ si himi ba peeɔ haomi kulaa pe kekle ɔ.”

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

1 Korintobi 9:27

Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

2 Korintobi 11:27

I gbo dengme kɛ tsu ní wawɛɛ nɛ be komɛ mahe hwɔmi be mi. Hwɔ kɛ kuma yeɔ mi; be komɛ po i haa hwɔ; fĩɛ yeɔ mi, nɛ he hami nɔ́ hiaa mi.

2 Korintobi 12:8

I kpa Nyɔmtsɛ ɔ pɛɛ si etɛ sɔuu ke e je nɔ́ nɛ ɔ kɛ je ye nɔ.

2 Korintobi 6:5

A fia wɔ ní; a wo wɔ tsu, nɛ nihi pee basabasa kɛ wo wɔ; wa gbo dengme kɛ tsu ní; wa hwɔ we mahe be komɛ, nɛ be komɛ hu hwɔ yee wɔ.

Efesobi 6:18

Nyɛɛ sɔle kɛ kpa Mawu pɛɛ kaa bɔ nɛ mumi ɔ maa tsɔɔ nyɛ. Enɛ ɔ he ɔ, nyɛɛ bu mumi ɔ tue, konɛ nyɛ mia nyɛ hɛ mi kɛ kpa pɛɛ ha ni klɔuklɔu ɔmɛ daa.

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.