Marko 9:25 - BAIBLO ALOO NGMAMI KLƆUKLƆU Ɔ

²⁵ Benɛ Yesu na kaa nihi babauu sa fo kɛ ma e ngɔ ɔ, e ke mumi ɔ yi nɛ e de lɛ ke, “Mo amuɛti kɛ tue kpoku mumi, i ngɛ mo fae ke, jee e mi, nɛ o ko sɛ e mi hu!”

Somi He Ɔ

²⁵ Se benɛ Yesu na kaa asafo ɔ wo fo kɛ ma e ngɔ ɔ, e ke mumi ɔ yi nɛ e de lɛ ke: “Mo amuɛti kɛ tuekpoku mumi, i ngɛ mo fae ke: Jee e mi nɛ o ko sɛ e mi hu!”

Marko 9:25 ပူးပေါင်းရင်းမြစ်များ

Ni Tsumi 16:18

E pee enɛ ɔ hluu kɛ ya si Paulo mi mi wo la, nɛ e plɛ e he nɛ e de mumi ɔ ke, “I ngɛ mo fae ngɛ Yesu Kristo biɛ mi ke o je e mi.” Amlɔ nɔuu ɔ, mumi ɔ je yiheyo ɔ mi.

Luka 9:42

Benɛ jokuɛ ɔ ma a, mumi yayami ɔ po lɛ fɔ si, nɛ e ha e lua gaganii. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Marko 9:15

Benɛ ni ɔmɛ na Yesu ɔ, e pee mɛ nyakpɛ, nɛ a sa fo kɛ ba e ngɔ ba fɔ lɛ.

Mateo 17:18

Yesu nga mumi yayami ɔ yi nɛ e je e mi, nɛ a tsa lɛ jamɛ a ngmlɛfia a nɔuu.

Yuda 1:9

Mawu bɔfo nɔkɔtɔma Mikael tete po pee we enɛ ɔ. Benɛ e kɛ Abosiami pɛ, nɛ e kɛ lɛ sã nya kaa mɛnɔ lɛ sa kaa e ngɔ Mose flɔ̃ ɔ, Mikael jɛ we Abosiami; e yi e he fɛu hulɔ. Nɔ́ nɛ e de lɛ ji, “Nyɔmtsɛ ɔ nɛ ka o hɛ mi!”

Luka 11:14

Be ko ɔ, Yesu ngɛ mumi yayami nɛ tu we munyu hiae ngɛ nyumu ko mi. Benɛ mumi yayami ɔ je kpo ɔ, nyumu ɔ bɔni munyu tumi, nɛ nimli babauu ɔ a he mi po.

Luka 8:29

Nyumu ɔ de ja, ejakaa Yesu nga mumi yayami ɔ yi ke e je e mi. Behi fuu ke mumi yayami ɔ nu lɛ fɔ si kikɛ nɛ ɔ, a maa tsi e nya, nɛ a maa wo lɛ kɔsɔkɔsɔ. Se kɛ̃, e ma tsɔ kɔsɔkɔsɔ ɔ, nɛ mumi yayami ɔ maa wo lɛ fo kɛ ya nga a nɔ.

Luka 4:41

Mumi yayamihi hu je nihi fuu a mi, nɛ a kpa ngmlaa ke, “Mo ji Mawu Bi ɔ nɛ!” Se Yesu nga mumi yayami ɔmɛ a yi, nɛ e ha we nɛ a tu munyu, ejakaa a le kaa lɛ ji Kristo ɔ.

Luka 4:35

Yesu nga mumi ɔ yi ke, “Ma o nya! Jee kpo ngɛ nyumu ɔ mi!” Mumi yayami ɔ sake nyumu ɔ ngɔ fia si ngɛ a hɛ mi, nɛ e je e mi. Se e yi lɛ awi.

Zakaria 3:2

Yawɛ de Abosiami ke, “Abosiami, Yawɛ nɛ wo mo hiɔ! Yawɛ, nɔ nɛ hla Yerusalem kɛ pee e nɔ́ ɔ nɛ wo mo hiɔ. Nyumu nɛ ɔ, anɛ pi la tso nɛ ngɛ tsoe nɛ a hia kɛ je la nya nɛ ɔ.”

Mateo 12:22

Jehanɛ, ni komɛ ngɔ nyumu ko nɛ hɛ yu, nɛ e tu we munyu hulɔ kɛ ba Yesu ngɔ; nyumu nɛ ɔ, mumi yayami ngɛ e mi. Yesu tsa lɛ, nɛ e tu munyu, nɛ e hyɛ nɔ́ ekohu.

Marko 9:24

Amlɔ ɔ, bitsɛ ɔ kpa ngmlaa kɛ de ke, “I heɔ yeɔ, se ye hemi kɛ yemi ɔ pi. Piɛ he ha mi!”

Marko 9:26

Mumi ɔ kpa ngmlaa, nɛ e ha jokuɛ ɔ lua gaganii, nɛ e je e mi. Jokuɛ ɔ pee kaa nɔ gbogboe. Lɔ ɔ he ɔ, bɔ nɛ nihi babauu de ji, “Jokuɛ ɔ gbo.”