Marko 9:2 - BAIBLO ALOO NGMAMI KLƆUKLƆU Ɔ

² Ligbi ekpa se ɔ, Yesu ngɔ Petro, Yakobo, kɛ Yohane; nɛ e kɛ mɛ ya he ko banee ngɛ yo gagaa ko nɔ. A ngɛ lɛ hyɛe nɔuu nɛ e nɔmlɔ tso su tsake.

Somi He Ɔ

² Ligbi ekpa se ɔ, Yesu ngɔ Petro kɛ Yakobo kɛ Yohane pɛ, nɛ e kɛ mɛ ya yoku nɛ ya hiɔwe ko nɔ. Nɛ benɛ a ngɛ hyɛe ɔ, e nɔmlɔ tso su tsake ngɛ a hɛ mi.

Marko 9:2 ပူးပေါင်းရင်းမြစ်များ

Matsɛmɛ I, 18:33

Lɔ ɔ se ɔ, e to lɛ́ ngɔ pue bɔ sami la tɛ ɔ nɔ; nɛ e poo na ku ɔ kpɔ nya kpɔ nya, nɛ e to ngɔ pue lɛ́ ɔ nɔ. Nɛ e de ke, “Nyɛ ya yɛ nyu buɛ eywiɛ ba pue sami bɔ ɔ, kɛ lɛ́ ɔ nɔ.” A pee ja,

Matsɛmɛ I, 18:42

Benɛ Ahab ho nɛ́ e ya ye ní ɔ, Eliya kuɔ Karmel yo ɔ kɛ ho e yi mi ya ya kpla si ngɛ zugba, nɛ e kɛ e yi wo e nakutso kpɛ.

Mose II, 24:13

Mose kɛ e tsɔlɔ Yoshua dla a he, konɛ a kuɔ Mawu yo ɔ.

Yesaya 33:17

Nyɛ ma ná matsɛ ko nɛ maa ye tsɛ saminyayoo ngɛ zugba a gbo tɛtlɛɛ ko nɔ ekohu.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Mateo 14:13

Benɛ Yesu nu kaa a gbe Yohane ɔ, e ya sɛ lɛ mi, nɛ e je lejɛ ɔ kɛ ho he ko banee ya. Nihi babauu nu he, nɛ a je a ma amɛ a mi, nɛ a gu zugba blɔ kɛ nyɛɛ e se.

Marko 14:33

Yesu ngɔ Petro, Yakobo, kɛ Yohane ngɔ piɛ e he kɛ ho. Gbeye nu lɛ, nɛ e hao wawɛɛ.

Marko 16:12

Enɛ ɔmɛ a se ɔ, Yesu je e he kpo ngɛ su kpa mi tsɔɔ kaseli ɔmɛ a ti ni enyɔ, benɛ a ngɛ si slaae kɛ yaa ngmɔ si.

Marko 5:37

E ha we nɛ nɔ ko nɔ ko nɛ nyɛɛ e se, ja Petro, Yakobo, kɛ Yakobo nyɛmi Yohane pɛ.

Luka 6:12

Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

2 Korintobi 13:1

Enɛ ɔ ji si etɛne nɛ i ma nyɛ slaami. Ngmami ɔ ke, “Ni enyɔ, loo etɛ nɛ a ye odase loko a buá sane tsuaa sane he.”

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.