Marko 9:18 - BAIBLO ALOO NGMAMI KLƆUKLƆU Ɔ

¹⁸ He tsuaa he nɛ e maa nu lɛ ngɛ ɔ, e tsɛ̃ɛ̃ lɛ fiaa si; e nya mi fiaa hwɔli, nɛ e kpeɔ e lungu nya, nɛ e luaa gaganii. I de o kaseli ɔmɛ nɛ a hia mumi ɔ kɛ je e mi ɔ, a nyɛ we.”

Somi He Ɔ

¹⁸ He tsuaa he nɛ e maa nu lɛ ngɛ ɔ, e tsɛɛ lɛ fiaa si nɛ e nya fiaa hwɔli, nɛ e kpeɔ e lungu nya, nɛ e fiaa. I de o kaseli ɔmɛ nɛ a hia lɛ ɔ, a nyɛ we.”

Marko 9:18 ပူးပေါင်းရင်းမြစ်များ

Hiob 16:9

Mawu mi mi fu mi, nɛ e tsɔtslɔɔ ye mi. E kpɔ lungu ngɔ wo mi, nɛ e muɔ e hɛngmɛ ngɔ pue ye nɔ kaa a peeɔ nɔ he nyɛlɔ.

La 112:10

Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

Mateo 15:22

Kɛkɛ nɛ Kanaan yo ko nɛ je lejɛ ɔ ní ɔmɛ a mi ɔ ba kpa ngmlaa ke, “Nyɔmtsɛ, David Bi, naa mi mɔbɔ! Ye biyo ngɛ mumi yayami ngɛ e mi, nɛ e ngɛ lɛ haoe wawɛɛ nitsɛ.”

Mateo 17:16

I ngɔ lɛ kɛ ba o kaseli ɔmɛ a ngɔ, se a nyɛ we nɛ a tsa lɛ.”

Mateo 8:12

Se ni nɛmɛ mohu nɛ sa matsɛ yemi ɔ mi himi ɔ, a ma sake mɛ kɛ fɔ tsu ɔ se ngɛ diblii kpii ɔ mi; nɛ a maa wo ya, nɛ a ma kpe lungu nya ngɛ lejɛ ɔ.”

Marko 11:23

I ngɛ nyɛ dee anɔkuale mi ke, nɔ tsuaa nɔ nɛ ma de yo nɛ ɔ ke e hia nɛ e ya nɔ womi, nɛ e ji nɔ́, se mohu e heɔ yeɔ kaa nɔ́ nɛ e de ɔ maa ba mi ɔ, e maa ba mi niinɛ ha lɛ.

Marko 9:17

Kɛkɛ nɛ ni ɔmɛ a ti nɔ kake he nɔ nɛ e de ke, “Tsɔɔlɔ, i kɛ ye binyumu ba o ngɔ, ejakaa mumi yayami ngɛ e mi, nɛ e nyɛ we nɛ e tu munyu.

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Marko 9:20

Nɛ a pee ja. Benɛ mumi ɔ na Yesu ɔ, amlɔ ɔ, e ha jokuɛ ɔ lua gaganii, nɛ e nɔ si. E kɛ e he wuwlua si, nɛ e nya mi fia hwɔli.

Marko 9:26

Mumi ɔ kpa ngmlaa, nɛ e ha jokuɛ ɔ lua gaganii, nɛ e je e mi. Jokuɛ ɔ pee kaa nɔ gbogboe. Lɔ ɔ he ɔ, bɔ nɛ nihi babauu de ji, “Jokuɛ ɔ gbo.”

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.