Marko 9:17 - BAIBLO ALOO NGMAMI KLƆUKLƆU Ɔ

¹⁷ Kɛkɛ nɛ ni ɔmɛ a ti nɔ kake he nɔ nɛ e de ke, “Tsɔɔlɔ, i kɛ ye binyumu ba o ngɔ, ejakaa mumi yayami ngɛ e mi, nɛ e nyɛ we nɛ e tu munyu.

Somi He Ɔ

¹⁷ Nɛ ni ɔmɛ a ti nɔ kake he nɔ nɛ e de ke: “Tsɔɔlɔ, i kɛ ye binyumu nɛ mumi nɛ tu we munyu ngɛ e mi ba o ngɔ.

Marko 9:17 ပူးပေါင်းရင်းမြစ်များ

Mateo 12:22

Jehanɛ, ni komɛ ngɔ nyumu ko nɛ hɛ yu, nɛ e tu we munyu hulɔ kɛ ba Yesu ngɔ; nyumu nɛ ɔ, mumi yayami ngɛ e mi. Yesu tsa lɛ, nɛ e tu munyu, nɛ e hyɛ nɔ́ ekohu.

Mateo 17:15

nɛ e de ke, “Nyɔmtsɛ, naa ye binyumu ɔ mɔbɔ! Kɔkɔtsɛ ji lɛ, nɛ hiɔ ɔ deɔ nɔ́ ha lɛ wawɛɛ nitsɛ. Bɔɔ kɛkɛ e ya nɔ la mi; bɔɔ kɛkɛ e ya nɔ nyu mi.

Mateo 9:32

Jehanɛ lɛɛ, benɛ ni ɔmɛ ngɛ lejɛ ɔ jee ɔ, a kɛ amuɛti ko nɛ mumi yayami ngɛ e mi ba Yesu ngɔ.

Marko 10:13

Ni komɛ ngɔ jokuɛ tsɔwi kɛ ba Yesu ngɔ konɛ e ngɔ ninehi ngɔ pue a nɔ; se e kaseli ɔmɛ kuɛ wo mɛ.

Marko 5:23

nɛ e fa kue wawɛɛ ha lɛ ke, “Ye biyo wayoo miɔ nɛ e ma gbo. Ba nɛ o kɛ o nine ba pue e nɔ, konɛ e na he wami, nɛ e yi nɛ na wa.”

Marko 7:26

Yo nɛ ɔ, Hela no ji lɛ, nɛ he nɛ e je ji Foinike ngɛ Siria. E ba kpa Yesu pɛɛ nɛ́ e hia mumi yayami ɔ kɛ je e biyo ɔ mi.

Marko 9:16

Yesu bi e kaseli ɔmɛ ke, “Mɛni mi nyɛɛ kɛ ni ɔmɛ ngɛ hlae ɔ?”

Marko 9:18

He tsuaa he nɛ e maa nu lɛ ngɛ ɔ, e tsɛ̃ɛ̃ lɛ fiaa si; e nya mi fiaa hwɔli, nɛ e kpeɔ e lungu nya, nɛ e luaa gaganii. I de o kaseli ɔmɛ nɛ a hia mumi ɔ kɛ je e mi ɔ, a nyɛ we.”

Marko 9:25

Benɛ Yesu na kaa nihi babauu sa fo kɛ ma e ngɔ ɔ, e ke mumi ɔ yi nɛ e de lɛ ke, “Mo amuɛti kɛ tue kpoku mumi, i ngɛ mo fae ke, jee e mi, nɛ o ko sɛ e mi hu!”

Luka 11:14

Be ko ɔ, Yesu ngɛ mumi yayami nɛ tu we munyu hiae ngɛ nyumu ko mi. Benɛ mumi yayami ɔ je kpo ɔ, nyumu ɔ bɔni munyu tumi, nɛ nimli babauu ɔ a he mi po.

Luka 9:38

Kɛkɛ nɛ nyumu ko kpa ngmlaa kɛ je ni ɔmɛ a kpɛti, nɛ e de ke, “Tsɔɔlɔ! I kpa mo pɛɛ, hyɛ ye binyumu ɔ, ye bi kake too ɔ!

Yohane 4:47

Benɛ e ná le kaa Yesu je Yudea kɛ ba Galilea a, e ba e ngɔ, nɛ e ba kpa lɛ pɛɛ ke e binyumu miɔ nɛ e ma gbo, lɔ ɔ he ɔ, a ho Kapernaum ya nɛ e ya tsa lɛ.