Marko 9:13 - BAIBLO ALOO NGMAMI KLƆUKLƆU Ɔ

¹³ Nyɛ ná nyɛɛ le kaa Eliya ba momo, nɛ a pee lɛ nɔ́ tsuaa nɔ́ nɛ a suɔ kaa bɔ nɛ a ngma ngɛ e he ɔ.”

Somi He Ɔ

¹³ Se yi ngɛ nyɛ dee ke: Elia ba momo nɛ a pee lɛ nɔ tsuaa nɔ nɛ a suɔ kaa bɔ nɛ a ngma ngɛ e he ɔ.”

Marko 9:13 ပူးပေါင်းရင်းမြစ်များ

Mateo 11:14

Ke nyɛ suɔ kaa nyɛ ma he a sɛ gbi ɔ nyɛɛ ye ɔ, Yohane ɔ ji Eliya nɛ maa ba a nɛ.

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Luka 1:17

E maa sɛ Nyɔmtsɛ ɔ hlami kɛ he wami, kɛ kã kaa gbalɔ Eliya. E maa pee tsɛmɛ kɛ a bimɛ kake ekohu. E ma ha nihi nɛ bui Mawu tue ɔ maa kpale ba nyɛɛ ni nɛmɛ nɛ buɔ lɛ tue ɔ a blɔ ɔmɛ a nɔ. Nɛ nihi nɛ Mawu nitsɛ hla a, e ma dla mɛ ngɔ to lɛ.”

Marko 9:12

E ha mɛ heto ke, “Niinɛ, Eliya maa sɛ hlami kɛ ba nɛ e ba to níhi tsuo blɔ nɔ ekohu. Se mɛni he je a ngma ngɛ Nɔmlɔ Bi ɔ he ke e maa na amanehlu babauu, nɛ a maa ngɔ lɛ kaa nɔ ko nɛ a bui lɛ ɔ?

Marko 9:14

Benɛ a kpale ba na kaseli ɔmɛ nɛ piɛ ɔ, a ba na nihi babauu nɛ ba bu a nɔ, nɛ mlaa tsɔɔli komɛ kɛ mɛ ngɛ níhi a mi hlae.