Marko 9:12 - BAIBLO ALOO NGMAMI KLƆUKLƆU Ɔ

¹² E ha mɛ heto ke, “Niinɛ, Eliya maa sɛ hlami kɛ ba nɛ e ba to níhi tsuo blɔ nɔ ekohu. Se mɛni he je a ngma ngɛ Nɔmlɔ Bi ɔ he ke e maa na amanehlu babauu, nɛ a maa ngɔ lɛ kaa nɔ ko nɛ a bui lɛ ɔ?

Somi He Ɔ

¹² E ha mɛ heto ke: “Elia maa ba lolo niinɛ nɛ e ba to nihi kulaa blɔ nɔ ekohu. Se kɛ pee kɛɛ nɛ a ngma ngɛ Nɔmlɔ Bi ɔ he ke e maa na amanehlu babauu, nɛ a maa ngɔ lɛ kaa ma gɔlɔ ɔ?

Marko 9:12 ပူးပေါင်းရင်းမြစ်များ

La 74:22

Mawu, wo o he nɔ nɛ o kɛ wa he nyɛli ɔmɛ nɛ to ní. Mo kai kaa nihi nɛ li mo Mawu ɔ, a yeɔ o he fɛu daa nɛ.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

Yesaya 52:14

Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

Zakaria 11:13

Yawɛ de mi ke, “Yaa fia sika a ngɔ pue nito he ɔ.” Nɛ i pee ja. Blɔɔ sika nɛ a susu kaa e maa sa mi ji sika hiɔ yi nyingmi etɛ ɔ nɛ.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Malaki 4:6

Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ, se musu tloo nɔ nɛ maa tsɔɔ e se blɔ ɔ! Afani nɛ a fɔ we jamɛ a nɔmlɔ ɔ!”

Marko 10:33

“Nyɛɛ bu tue; wa yaa Yerusalem, nɛ a maa ngɔ Nɔmlɔ Bi ɔ ngɔ wo osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa bu lɛ gbenɔ fɔ, nɛ a maa ngɔ lɛ ngɔ ha ma je li ɔmɛ.

Marko 9:13

Nyɛ ná nyɛɛ le kaa Eliya ba momo, nɛ a pee lɛ nɔ́ tsuaa nɔ́ nɛ a suɔ kaa bɔ nɛ a ngma ngɛ e he ɔ.”

Marko 9:31

ejakaa e ngɛ e kaseli ɔmɛ ní tsɔɔe. E de mɛ ke, “A maa ngɔ Nɔmlɔ Bi ɔ ngɔ wo adesahi a dɛ mi, nɛ a maa gbe lɛ. Se ke a gbe lɛ ɔ, ligbi etɛ se ɔ, e maa te si kɛ ba wami mi ekohu.”

Luka 1:76

“Nɛ mo, ye bi, a ma tsɛ mo Hiɔwe No ɔ gbalɔ. O maa sɛ Nyɔmtsɛ ɔ hlami, nɛ o ma dla e blɔ ɔ kɛ to lɛ.

Luka 23:11

Herode kɛ e ta buli ɔmɛ ye Yesu he fɛu, nɛ a bɔ lɛ ahlua. A wo Yesu tade klɔii saminyayoo ko, nɛ Herode ha nɛ a kpale lɛ ya ha Pilato ekohu.

Luka 23:39

Yayami peeli nɛ a sɛu ɔ, mɛ hu a ti nɔ kake fia Yesu lilɛ saminya. E de lɛ ke, “Pi mo ji Kristo ɔ? He mo nitsɛ o yi wami, konɛ o he wɔ hu wa yi wami!”

Ni Tsumi 1:6

Benɛ bɔfo ɔmɛ kɛ Yesu ba bua ngɛ he kake ɔ, a bi lɛ ke, “Nyɔmtsɛ, anɛ kikɛmɛ a be nɛ ɔ mi nɛ o maa kpale ngɔ matsɛ yemi ɔ kɛ ha Israel ɔ lo?”

Ni Tsumi 4:11

Yesu nɛ ɔ nɔuu he ngmami ɔ deɔ ngɛ ke, ‘Tɛ ɔ nɛ nyɛ tsu fiali ɔmɛ nyɛ sake fɔ he ɔ plɛ kɔ nya tɛ.’