Marko 9:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, a ngɔ munyu ɔ ngɔ to a yi mi lɛɛ, se a bi a he ke, “Si temi kɛ gbeje jemi ɔ, kɛ ji e sisi kɛɛ?”

Somi He Ɔ

¹⁰ A ngɔ munyu nɛ ɔmɛ ngɔ to a yi mi, nɛ a bi a he ke: “Kɛ ji si temi kɛ gbeje jemi nɛ ɔ sisi kɛɛ?”

Marko 9:10 ပူးပေါင်းရင်းမြစ်များ

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Yohane 12:16

Jamɛ a be ɔ, e kaseli ɔmɛ nui nɔ́ nɛ ɔ sisi; se benɛ a tle Yesu si, nɛ a wo e hɛ mi nyami se ɔ, a kai kaa a ngma nɔ́ nɛ ɔ ngɛ Yesu he, nɛ e ba mi.

Marko 9:32

Se a nɛ́ nɔ́ nɛ e de nɛ ɔ nya, nɛ a ngɛ gbeye yee hulɔ kaa a ma bi lɛ.

Mateo 16:22

Petro tsɛ lɛ kɛ ya se, nɛ e bɔni e hɛ mi kami ke, “Nyɔmtsɛ, enɛ ɔ ya je ngɛ se lokoo! Mawu ko ha nɛ nɔ́ nɛ ɔ nɛ ba o nɔ kɔkɔɔkɔ!”

Mose I, 37:11

Yosef nyɛmimɛ ɔmɛ a mi mi wo la wawɛɛ nitsɛ, se e tsɛ ɔ lɛɛ daa nɛ ɔ, e ngɛ sane ɔmɛ a he susue.

Marko 9:9

Benɛ a ngɛ yo ɔ kplee ɔ, Yesu de mɛ veveeve ke, “Nyɛ ko sɛɛ níhi nɛ nyɛ na a ha nɔ ko, ja Nɔmlɔ Bi ɔ te si kɛ je gbeje lolo.”

Marko 9:11

A bi Yesu ke, “Mɛni he je nɛ mlaa tsɔɔli ɔmɛ deɔ ke ja Eliya ba lolo ɔ?”