Marko 8:34 - BAIBLO ALOO NGMAMI KLƆUKLƆU Ɔ

³⁴ Jehanɛ Yesu tsɛ ni kpekpemi ɔ, kɛ e kaseli ɔmɛ hu kɛ ba e ngɔ, nɛ e de mɛ ke, “Ke nɔ ko suɔ kaa e nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Somi He Ɔ

³⁴ Nɛ benɛ Yesu tsɛ asafo ɔ kɛ e kaseli ɔmɛ hu kɛ ba e ngɔ ɔ, e de mɛ ke: “Ke nɔ ko suɔ kaa e nyɛɛ ye se ɔ, e kua e he nɛ e wo e seumi tso ɔ nɛ e nyɛɛ ye se.

Marko 8:34 ပူးပေါင်းရင်းမြစ်များ

Matsɛmɛ I, 14:8

I kpɔ matsɛ yemi ɔ ngɛ David nina dɛ ngɔ ha mo. Se o be kaa ye tsɔlɔ David. Lɛɛ e nyɛɛ ye se kɛ e tsui tsuo; e ye ye mlaa amɛ a nɔ, nɛ e pee ye suɔmi nya ní.

Mose IV, 14:24

Se ye tsɔlɔ Kaleb lɛɛ slo e mumi; lɛɛ e bu mi tue kɛ ya si nyagbe. Enɛ ɔ he je ɔ, i kɛ lɛ maa su zugba a nɛ a ya slaa a nɔ, nɛ e se bimɛ a nine maa su nɔ.

Mateo 10:38

Nɔ tsuaa nɔ nɛ wo we e sɛumi tso kɛ nyɛɛ we ye se ɔ, e sɛ kaa e ba peeɔ ye kaselɔ.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Mateo 27:32

Benɛ a je ma a mi kɛ yaa a, a na nyumu ko nɛ je Kirene ma a mi, nɛ a tsɛɛ lɛ Simon. Ta buli ɔmɛ nyɛ e nɔ ke e wo Yesu sɛumi tso ɔ.

Marko 10:21

Yesu hyɛ lɛ too nɛ e suɔ lɛ, lɔ ɔ he ɔ, e de lɛ ke, “E piɛ mo nɔ kake. Yaa nɛ o ya jua níhi tsuo nɛ o ngɛ ɔ, nɛ o dla sika a ha ohiatsɛmɛ, nɛ o ba nyɛɛ ye se.”

Marko 7:14

Kɛkɛ nɛ Yesu tsɛ ni ɔmɛ tsuo kɛ ba e ngɔ ekohu, nɛ e de mɛ ke, “Nyɛ tsuo nyɛɛ bu mi tue saminya, konɛ nyɛɛ nu sisi.

Luka 13:24

“Nyɛɛ bɔ mɔde nɛ nyɛɛ sɛ agbo tokofii ɔ mi. Ejakaa, i ngɛ nyɛ dee ke, nihi babauu ma hla kaa a sɛ mi, se a be nyɛe.

Luka 14:33

Yesu gbe nya ke, “Jã kɛ̃, ke nɔ ko suɔ kaa e pee ye kaselɔ ɔ, ja e si níhi tsuo nɛ e ngɛ ɔ.

Luka 18:22

Benɛ Yesu nu enɛ ɔ, e de lɛ ke, “E pa piɛ mo nɔ́ kake. Yaa jua níhi tsuo nɛ o ngɛ ɔ, nɛ o dla sika a ngɔ ha ohiatsɛmɛ, nɛ o ma na juetli ngɛ hiɔwe. Lɔ ɔ se ɔ, ba nɛ o ba nyɛɛ ye se.”

Luka 20:45

Benɛ ma a tsuo ngɛ Yesu tue bue ɔ, e de e kaseli ɔmɛ ke,

Luka 9:23

Jehanɛ ɔ, e de ni ɔmɛ tsuo ke, “Ke nɔ ko suɔ kaa e maa nyɛɛ ye se ɔ, e kua e he, nɛ e hɛɛ e sɛumi tso ɔ daa ligbi kɛ nyɛɛ ye se.

Yohane 10:27

Ye to ɔmɛ buɔ mi tue; i le mɛ, nɛ a nyɛɛɔ ye se.

Yohane 19:17

nɛ lɛ nitsɛ e tloo e sɛumi tso ɔ kɛ je ma a mi kɛ ya he nɛ a tsɛɛ “Yikoklodonya”, nɛ Hebri mi ɔ a tsɛɛ lɛ “Golgata” a.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Romabi 6:6

Wa le enɛ ɔ, kaa a sɛu wa nɔmlɔ tso momo ɔ ngɔ piɛ Kristo he, konɛ nɔmlɔ tso su nɛ haa nɔ peeɔ yayami ɔ hɛ mi nɛ kpata, nɛ wa ko ye nyɔguɛ ha yayami hu.

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

1 Korintobi 15:31

Ye nyɛmimɛ, daa ligbi ɔ, i ngɛ gbenɔ nya mi! Fiami nɛ i fĩaa ngɔ fɔɔ nyɛ nɔ ji kaa wa le Nyɔmtsɛ Yesu Kristo.

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, i be lo yee hu gblegbleegble, konɛ ma ko ha nɛ ye nyɛmi ɔ nɛ pee yayami.

1 Korintobi 9:19

I ngɛ ye dɛ he; pi nɔ ko nyɔguɛ ji mi. Se kɛ̃ ɔ, i pee ye he nihi tsuo a nyɔguɛ, bɔ nɛ pee nɛ ye nine nɛ su nihi babauu a nɔ.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Galatabi 6:14

Se imi lɛɛ i be fĩae ngɔ fɔ nɔ́ kpa ko nɔ́ kpa ko nɔ kaa ja wa Nyɔmtsɛ Yesu Kristo sɛumi tso ɔ pɛ. Gbenɔ nɛ Kristo gbo ngɛ sɛumi tso ɔ nɔ ɔ ngɛ kaa nɔ́ nɛ pe a sɛu je ɔ kɛ ha mi, nɛ a sɛu imi hu kɛ ha je ɔ.

Filipibi 3:10

Nɔ́ nɛ i ngɛ hlae kɛkɛ ji kaa ma le Kristo, nɛ he wami kpetekpleenyɛ nɛ ha e ba wami mi ekohu ɔ, ma na nya. Ma na nɔ́ kaa bɔ nɛ e na nɔ́ ɔ, nɛ ma gbo kaa bɔ nɛ e gbo ɔ.

Filipibi 3:7

Níhi tsuo nɛ i ko bu mɛ kaa a he ngɛ se nami ha mi sa a, amlɔ nɛ ɔ, ngɛ Kristo he ɔ, i buu mɛ kaa yaka níhi nɛ a he be se nami mohu.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

2 Tesalonikabi 3:11

Wa ngɛ enɛ ɔ dee, ejakaa wa nu kaa ni komɛ ngɛ nyɛ kpɛti nɛ peeɔ hejɔ; a tsu we ní, se mohu a ngɔɔ a nya ngɔ woɔ nihi a sanehi a mi.

Tito 2:12

Dloomi nɛ ɔ bɔɔ wɔ kɔkɔ kaa wa kpa yayami peemi, nɛ wa ko di je nɛ ɔ mi akɔnɔ níhi a se. E tsɔɔ wɔ kaa waa hyɛ wa he nɔ saminya; waa pee nɔ́ nɛ da, nɛ waa ye Mawu gbeye,

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.

1 Petro 4:1

Akɛnɛ Kristo na nɔ́ ngɛ he lo mi he je ɔ, nyɛ hu nyɛ dla nyɛ he kɛ jamɛ a juɛmi ɔ nɔuu. Ejakaa nɔ tsuaa nɔ nɛ naa nɔ́ ngɛ he lo mi ɔ, e kɛ yayami be sane ko hu.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

2 Petro 1:14

I le kaa e be kɛe kulaa nɛ ma gbo kaa bɔ nɛ wa Nyɔmtsɛ Yesu Kristo je tsɔɔ mi ɔ.

1 Yohane 3:16

Kristo ngɔ e wami ngɔ ha ngɛ wa he. Kɛ gu enɛ ɔ nɔ ɔ, wa na bɔ nɛ suɔmi tsuɔ ní ha. Lɔ ɔ he ɔ, e sa kaa wɔ hu waa ngɔ wa wami ngɔ ha ngɛ wa nyɛmimɛ a he.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.