Marko 8:33 - BAIBLO ALOO NGMAMI KLƆUKLƆU Ɔ

³³ Se benɛ Yesu plɛ e he nɛ e na e kaseli ɔmɛ ɔ, e ka Petro hɛ mi ke, “Jee ye nɔ kɛ ya se, mo Satan! Ejakaa o susuu we Mawu níhi a he, se nimli a níhi a he mohu o susuɔ!”

Somi He Ɔ

³³ Se benɛ Yesu plɛ e he nɛ e na e kaseli ɔmɛ ɔ, e ka Petro hɛ mi ke: “Jee ye nɔ, Satan, ejakaa o susuu we Mawu nihi a he, se nimli a nihi a he mohu o susuu!”

Marko 8:33 ပူးပေါင်းရင်းမြစ်များ

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

1 Yohane 2:15

Nyɛ ko suɔ je ɔ, loo níhi nɛ ngɛ je ɔ mi ɔ. Ke nɔ ko suɔ je ɔ, lɛɛ e sume Tsɛ ɔ.

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

1 Petro 4:1

Akɛnɛ Kristo na nɔ́ ngɛ he lo mi he je ɔ, nyɛ hu nyɛ dla nyɛ he kɛ jamɛ a juɛmi ɔ nɔuu. Ejakaa nɔ tsuaa nɔ nɛ naa nɔ́ ngɛ he lo mi ɔ, e kɛ yayami be sane ko hu.

1 Timoteo 5:20

Nihi nɛ peeɔ yayami ɔ, ka a hɛ mi ngɛ asafo ɔ tsuo hɛ mi, kɛkɛ ɔ, ni nɛmɛ nɛ piɛ ɔ maa ye gbeye.

1 Korintobi 5:5

nyɛɛ tu nɔmlɔ nɛ ɔ kɛ wo Satan dɛ mi, nɛ e kpata e nɔmlɔ tso ɔ hɛ mi, konɛ kojomi ligbi ɔ, Kristo nɛ he e susuma yi wami.

Luka 22:61

Nyɔmtsɛ ɔ plɛ e he nɛ e hyɛ Petro. Nɛ Petro kai kaa Nyɔmtsɛ ɔ de lɛ be ko ke, “Loko kungwɔ ma kpa nɔ nyɔ nɛ ɔ mi ɔ, o ma de si etɛ ke o li mi.”

Marko 3:34

E hyɛ nihi nɛ hii si ngɛ e he ɔ a hɛ mi kɛ kpe, kɛkɛ nɛ e ke, “Maa, kɛ ye nyɛmimɛ ji nɛ ɔmɛ nɛ!

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Mateo 15:23

Se Yesu pui e nya mi. Kɛkɛ nɛ kaseli ɔmɛ ba e ngɔ nɛ a ba kpa lɛ pɛɛ ke, “Yo nɛ ɔ ngɛ ngmlaa kpae kɛ nyɛɛ wa se! Wo lɛ blɔ nɛ e ho!”

Samuel II, 19:22

Se David de ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he, loko nyɛ ngɛ hlae nɛ nyɛɛ doo ye nya mwɔnɛ ligbi nɛ ɔ? Anɛ e sa kaa a gbe nɔ ko ngɛ Israel mwɔnɛ ligbi nɛ ɔ lo? Anɛ i li kaa mwɔnɛ ligbi nɛ ɔ, imi ji matsɛ ngɛ Israel lo?”

Mose III, 19:17

“Koo nyɛ o nyɛmi ngɛ o tsui mi. Ke sane ko ba a, o kɛ lɛ nɛ hla mi, konɛ e he ɔ, mo mohu o ko ba pee yayami.

Tito 1:13

Anɔkuale sane ji nɛ ɔ nɛ. Lɔ ɔ he ɔ, ka a hɛ mi wawɛɛ, konɛ a hɛɛ a hemi kɛ yemi ɔ mi wawɛɛ.

Luka 9:55

Se Yesu plɛ e he, nɛ e ka a hɛ mi.

Luka 4:8

Yesu he nɔ ke, “A ngma ke, ‘Já Nyɔmtsɛ, o Mawu ɔ, nɛ o sɔmɔ lɛ pɛ.’ ”

Hiob 2:10

Hiob he nɔ ke, “O ngɛ munyu tue kaa bɔ nɛ yihi kuasia amɛ a ti nɔ ko maa tu munyu pɛ. Ke Mawu ha wɔ nɔ́ kpakpa a, tse wa heɔ. Lɛ ke e ha wɔ nɔ́ yaya a, wa ko ngɔ lo?” Enɛ ɔ tsuo mi ɔ, Hiob pee we yayami; e de we nɔ́ ko kɛ si we Mawu.

Mateo 16:23

Se Yesu plɛ e he nɛ e de Petro ke, “Jee ye nɔ kɛ ya se, Satan! O ngɛ ye nane kpatae. Ejakaa juɛmi nɛ ngɛ o yi mi ɔ, pi Mawu ngɔ nɛ e je, se nɔmlɔ adesa.”