Marko 8:26 - BAIBLO ALOO NGMAMI KLƆUKLƆU Ɔ

²⁶ Kɛkɛ nɛ Yesu wo nyumu ɔ blɔ kɛ ho e we mi ya. E de lɛ ke, “Yaa o we mi tɛɛ; kó gba kɔpe ɔ mi he ko he ko!”

Somi He Ɔ

²⁶ Kɛkɛ nɛ Yesu je lɛ blɔ nɛ e ho e we mi ya, nɛ e de lɛ ke: “Koo ya kɔpe ɔ mi.”

Marko 8:26 ပူးပေါင်းရင်းမြစ်များ

Mateo 12:16

nɛ e bɔ mɛ kɔkɔ ke a ko tu e he munyu nɛ nihi ba nu e he.

Mateo 8:4

Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

Mateo 9:30

Nɛ a hɛngmɛ ɔmɛ bli. Jehanɛ, Yesu bɔ mɛ kɔkɔ ke, “Nyɛɛ hyɛ nɛ nɔ ko nɔ ko ko nu he oo!”

Marko 5:43

Se Yesu wo mɛ si veveeve ke a ko ha nɔ ko nɔ ko nɛ le nɔ nɛ ba a. Kɛkɛ nɛ e fa ke a ha lɛ nɔ́ ko nɛ e ye.

Marko 7:36

Yesu de mɛ ke a ko sɛɛ ha nɔ ko nɔ ko kɔkɔɔkɔ; se si abɔ nɛ e ngɛ mɛ dee ke a ko wo nɔ ta a, si abɔ nɛ a ngɛ sɛɛe ha nihi ji lɔ ɔ nɛ.

Marko 8:23

Kɛkɛ nɛ Yesu nu hɛ yuyuilɔ ɔ kɔni si, nɛ e kɛ lɛ je kɔpe ɔ mi. Yesu su lada pue nyumu ɔ hɛngmɛ ɔmɛ a nɔ, nɛ e ngɔ e ninehi ngɔ pue e nɔ; nɛ e bi lɛ ke, “O ngɛ nɔ hyɛe lo?”

Marko 8:25

Yesu kɛ e nine ha hɛ yuyuilɔ ɔ hɛngmɛ ɔmɛ nɔ ekohu. Jehanɛ nyumu ɔ pã e hɛngmɛ mi; a tsa lɛ, nɛ e hyɛ nɔ́ paa.