Marko 8:25 - BAIBLO ALOO NGMAMI KLƆUKLƆU Ɔ

²⁵ Yesu kɛ e nine ha hɛ yuyuilɔ ɔ hɛngmɛ ɔmɛ nɔ ekohu. Jehanɛ nyumu ɔ pã e hɛngmɛ mi; a tsa lɛ, nɛ e hyɛ nɔ́ paa.

Somi He Ɔ

²⁵ Lɔ ɔ se ɔ, e kpale ngɔ e ninehi ngɔ pue hɛyuyuilɔ ɔ hɛngmɛ ɔmɛ a nɔ ekohu; jeha nɛ ɔ hɛyuyuilɔ ɔ hyɛ nɔ paa, nɛ a tsa lɛ, nɛ e na nɔ tsuaa nɔ faii.

Marko 8:25 ပူးပေါင်းရင်းမြစ်များ

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Mateo 13:12

Nɔ tsuaa nɔ nɛ ngɛ nɔ́ ko ɔ, a ma ha lɛ fuu kɛ piɛ he nɛ e na kɛ be nɔ. Se nɔ nɛ be nɔ́ ko ɔ, bɔɔ nɛ e ngɛ ɔ tete po, a ma kpɔ ngɛ e dɛ.

Marko 8:24

Nyumu ɔ wo e yi nɔ nɛ e ke, “I ngɛ nimli hyɛe, se a ngɛ kaa tsohi nɛ ngɛ nyɛɛe.”

Marko 8:26

Kɛkɛ nɛ Yesu wo nyumu ɔ blɔ kɛ ho e we mi ya. E de lɛ ke, “Yaa o we mi tɛɛ; kó gba kɔpe ɔ mi he ko he ko!”

Ni Tsumi 1:10

Benɛ e yaa nɛ a ngɛ hiɔwe hyɛe too kɛ mwɔɔ ɔ, tlukaa a, ne nyumuhi enyɔ nɛ wo tade hiɔ, nɛ daa si ngɛ a kasa nya.

Ni Tsumi 14:9

Benɛ Paulo ngɛ munyu tue ɔ, nyumu ɔ bu lɛ tue saminya. Paulo hyɛ lɛ too, nɛ e na kaa nyumu ɔ ngɛ hemi kɛ yemi kaa a ma tsa lɛ.

Filipibi 1:6

I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.