Marko 8:23 - BAIBLO ALOO NGMAMI KLƆUKLƆU Ɔ

²³ Kɛkɛ nɛ Yesu nu hɛ yuyuilɔ ɔ kɔni si, nɛ e kɛ lɛ je kɔpe ɔ mi. Yesu su lada pue nyumu ɔ hɛngmɛ ɔmɛ a nɔ, nɛ e ngɔ e ninehi ngɔ pue e nɔ; nɛ e bi lɛ ke, “O ngɛ nɔ hyɛe lo?”

Somi He Ɔ

²³ Yesu nu hɛyuyuilɔ ɔ nine si nɛ e kɛ lɛ je kɔpe ɔ mi, nɛ e la lada pue e hɛngmɛ ɔmɛ a nɔ, nɛ e ngɔ e ninehi ngɔ pue e nɔ nɛ e bi lɛ ke: “O ngɛ nɔ hyɛe lo?”

Marko 8:23 ပူးပေါင်းရင်းမြစ်များ

Yesaya 44:2

Imi ji Yawɛ nɛ bɔ mo ɔ nɛ; kɛ je be nɛ a fɔ mo kɛ ba su amlɔ nɛ ɔ, imi lɛ i baa o yi. Koo ye gbeye, ye tsɔlɔ ji mo, ye ma nɛ i hla nɛ i suɔ mo.

Yesaya 51:18

Nɔ ko nɔ ko be o bimɛ ɔmɛ a kpɛti nɛ maa tsɔɔ mo blɔ; nɔ ko nɔ ko be bimɛ ɔmɛ tsuo nɛ o tsɔse ɔ a kpɛti nɛ maa ta o dɛ mi kɛ nyɛɛ.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Marko 5:23

nɛ e fa kue wawɛɛ ha lɛ ke, “Ye biyo wayoo miɔ nɛ e ma gbo. Ba nɛ o kɛ o nine ba pue e nɔ, konɛ e na he wami, nɛ e yi nɛ na wa.”

Marko 7:33

Yesu kɛ lɛ je ni ɔmɛ a kpɛti kɛ ya se, nɛ e kɛ e nine nguɛhi wo e tue puɔ ɔmɛ a mi, nɛ e su lada kɛ sa nyumu ɔ lilɛ he.

Marko 8:24

Nyumu ɔ wo e yi nɔ nɛ e ke, “I ngɛ nimli hyɛe, se a ngɛ kaa tsohi nɛ ngɛ nyɛɛe.”

Marko 8:26

Kɛkɛ nɛ Yesu wo nyumu ɔ blɔ kɛ ho e we mi ya. E de lɛ ke, “Yaa o we mi tɛɛ; kó gba kɔpe ɔ mi he ko he ko!”

Ni Tsumi 23:19

Asafoatsɛngua a nu niheyo ɔ nine si, nɛ e kɛ lɛ ya se, nɛ e bi lɛ ke, “Mɛni sane o ngɛ nɛ o ma de mi?”

Ni Tsumi 9:8

Saulo te si, nɛ e bli e hɛngmɛ, se e hyɛ we nɔ́. Lɔ ɔ he ɔ, a nu e nine si kɛ ya Damasko.

Hebribi 8:9

Somi he nɛ ɔ maa slo kulaa ngɛ somi nɛ i kɛ a nɛmɛ ɔmɛ so blema benɛ i je mɛ kɛ je Egipt ɔ he. Somi nɛ i kɛ mɛ so ɔ, a yi nɔ; lɔ ɔ he ɔ, i ngmɛɛ a he.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.