Marko 8:2 - BAIBLO ALOO NGMAMI KLƆUKLƆU Ɔ

² “Ye mi mi ngɛ mi sããe ngɛ nimli kpekpemi nɛ ɔmɛ a he, ejakaa a kɛ mi hi si ligbi etɛ sɔuu, nɛ a be nɔ́ ko nɛ a maa ye.

Somi He Ɔ

² “Ye muklii mi ngɛ mi sae ngɛ asafo ɔ he, ejakaa a kɛ mi hi si ligbi etɛ sɔuu nɛ a nɛ nɔ́ ko nɛ a ye.

Marko 8:2 ပူးပေါင်းရင်းမြစ်များ

Matsɛmɛ I, 19:6

Benɛ e hyɛ e he kɛ be ɔ, e na abolo, kɛ kplu kɛ e mi nyu nɛ maa si ngɛ e yi tetle mi. E ye ní, nɛ e nu nyu, nɛ e hwɔ si ekohu.

La 103:13

Bɔ nɛ tsɛ mi mi sãã lɛ ngɛ e bimɛ a he ɔ, ja lɛ Yawɛ hu mi mi sãã lɛ ngɛ nihi nɛ yeɔ lɛ gbeye ɔ a he.

La 145:15

Bɔ níhi tsuo nɛ wami ngɛ a mi ɔ, mo pɛ nɛ a ngɛ blɔ hyɛe; ejakaa mo lɛ o haa mɛ a niye ní ngɛ be nɛ sa mi.

La 145:8

Dloolɔ kɛ mɔbɔ nalɔ ji Yawɛ; e mi mi fu we mla, nɛ e suɔmi hiɛ babauu.

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!

Mateo 14:14

Yesu je kpo ngɛ lɛ ɔ mi, nɛ benɛ e na ni ɔmɛ ɔ, e mi mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 20:34

Yesu mi mi sã lɛ ngɛ a he, nɛ e ta a hɛngmɛ ɔmɛ a he. Amlɔ nɔuu ɔ, a hyɛ nɔ́ ekohu, nɛ a nyɛɛ e se.

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Marko 1:41

Yesu muklii mi sã lɛ ngɛ e he, nɛ e kpã e nine mi nɛ e ta e he, nɛ e de lɛ ke, “I suɔ! O he nɛ tsɔ!”

Marko 5:19

Se Yesu kplɛɛ we; mohu e de lɛ ke, “Kpale o se, nɛ o ho we mi ya! Yaa o weku li a ngɔ nɛ o ya sɛɛ ní nguanguahi nɛ Nyɔmtsɛ ɔ pee ha mo ɔ; de mɛ bɔ nɛ e na mo mɔbɔ.”

Marko 6:32

Kɛkɛ nɛ mɛ kɔklɔɔ a sɛ lɛ mi kɛ ho he ko banee ya.

Marko 6:34

Benɛ Yesu kple ɔ, e na nimli babauu nitsɛ, nɛ e mi mi sã lɛ ngɛ a he, ejakaa a ngɛ kaa tohi nɛ be hyɛlɔ. Kɛkɛ nɛ e bɔni mɛ níhi fuu tsɔɔmi.

Marko 8:3

Ke i ngmɛɛ a he nɛ a kɛ mi mi hwɔ je hiɛ ɔ kɛ yaa we mi ɔ, klibi ma ya po mɛ ngɛ blɔ ɔ nɔ, ejakaa a ti ni komɛ je hehi nɛ kɛ.”

Marko 9:22

Ke pee ɔ, e sakee lɛ fɔɔ la mi, kɛ nyu mi hulɔ, konɛ e tane e yi. Se ke o ma nyɛ pee he nɔ́ ko ha wɔ ɔ, lɛɛ naa wɔ mɔbɔ!”

Luka 15:20

Kɛkɛ nɛ e te si, nɛ e pue nɔ kɛ yaa e tsɛ ɔ ngɔ. “Se benɛ e nyɛɛ tsitsaa lokoo kɛ ma a, e tsɛ ɔ na lɛ, nɛ e ní pee lɛ mɔbɔ, nɛ e sa fo kɛ ho ya fua lɛ, nɛ e fiɔ e nya he.

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Hebribi 5:2

Osɔfo nɔkɔtɔma pe kulaa a nitsɛ ɔ, sé ngɛ e he. Lɔ ɔ he ɔ, e taa bua si ha nihi nɛ li nɔ́ ko mi, kɛ nihi nɛ tlaa blɔ ɔ.