Marko 8:15 - BAIBLO ALOO NGMAMI KLƆUKLƆU Ɔ

¹⁵ Yesu bɔ mɛ kɔkɔ ke, “Nyɛɛ hyɛ saminya nɛ nyɛ hɛ nɛ hi nyɛ he nɔ ngɛ Farisi bi a masa a, kɛ Herode masa a he!”

Somi He Ɔ

¹⁵ Yesu bɔ mɛ kɔkɔ ke: “Nyɛɛ hyɛ saminya, Tiɛ nyɛ hɛ nɛ hi nyɛ he nɔ ngɛ Farisifo ɔmɛ a ma sasɛ kɛ Herode ma sasɛ ɔ he!”

Marko 8:15 ပူးပေါင်းရင်းမြစ်များ

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Abɛ Womi 19:27

Ye bi, ke o sume nɛ a slɔ mo ɔ, nile munyuhi ma bɔ mo.

Mose III, 2:11

A kɛ masa nɔ́ ko kó pee niye ní bɔ ɔmɛ tsuo nɛ a kɛ ba haa Yawɛ ɔ eko; nyɛ ko sã masa nɔ́ ko loo hwo kaa bɔ nɛ a kɛ la sãã ha Yawɛ.

Mateo 14:1

Jamɛ a be ɔ mi ɔ, amlaalo ɔ nɛ ngɛ Galilea nɛ a tsɛɛ lɛ Herode ɔ nu Yesu he,

Mateo 14:3

Herode ha a nu Yohane, nɛ a fi lɛ, nɛ a wo lɛ tsu ngɛ e nyɛminyumu Filipo yo Herodia he.

Mateo 14:6

Se benɛ Herode ngɛ e fɔmi ligbi yee ɔ, Herodia biyo ɔ ba do ngɛ ni ɔmɛ a hɛ mi. Nɔ́ nɛ ɔ pee Herode fɛu,

Mateo 16:6

Yesu de mɛ ke, “Nyɛɛ hyɛ saminya! Nyɛ hɛ nɛ hi nyɛ he nɔ ngɛ Farisi bi ɔmɛ, kɛ Saduki bi ɔmɛ a masa a he!”

Marko 12:13

A tsɔ Farisi bi komɛ kɛ Herode bi komɛ Yesu ngɔ, konɛ a ba bi lɛ munyu nɛ a kɛ wo e nya tso kpɛ.

Marko 8:14

Kaseli ɔmɛ a hɛ je nɔ nɛ a maa hɛɛ niye ní kɛ to dɛ; a hɛɛ we eko ngɛ lɛ ɔ mi, ja abolo bɔbɔɛ kake pɛ.

Marko 8:16

A hla mi ngɛ a kpɛti ke, “Be nɛ ɔ mi ɔ, abolo nɛ wa hɛɛ we ɔ he je.”

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

2 Timoteo 2:14

Kaii mɛ kikɛmɛ a ní nɛ ɔmɛ. Bɔɔ mɛ kɔkɔ ngɛ Nyɔmtsɛ ɔ hɛ mi ke a ko pɛ ngɛ munyuhi a he, ejakaa nɔ́ kpakpa ko ji mi kɛ bɛ, se mohu jamɛ a munyu ɔmɛ gbeɔ e nuli ɔmɛ a hemi kɛ yemi.