Marko 8:13 - BAIBLO ALOO NGMAMI KLƆUKLƆU Ɔ

¹³ Kɛkɛ nɛ e je a he nɛ e ya sɛ lɛ mi ekohu kɛ ho wo ɔ se ya.

Somi He Ɔ

¹³ Nɛ e si mɛ nɛ e ya sɛ lɛ mi ekohu nɛ e ho wo ɔ se ya.

Marko 8:13 ပူးပေါင်းရင်းမြစ်များ

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

Yohane 12:36

Be abɔ nɛ nyɛ ngɛ la a nɛ ɔ, nyɛ he lɛ nyɛɛ ye, konɛ nyɛ plɛ la a bimɛ.” Munyu nɛ ɔ se ɔ, Yesu je a he ngɛ lejɛ ɔ, nɛ e ya laa e he.

Yohane 8:21

Yesu kpale de ni ɔmɛ ke, “Imi lɛɛ i yaa! Nyɛ ma hla mi, se nyɛ ma gbo kɛ nyɛ he yayami. He nɛ i yaa a, nyɛ be nyɛe maa ba.”

Luka 8:37

Kɛkɛ nɛ ni ɔmɛ tsuo nɛ je jamɛ a zugba a nɔ ɔ, ba kpa Yesu pɛɛ ke e je a ngɔ nɛ e ho, ejakaa a ye gbeye wawɛɛ. Nɛ e ya sɛ lɛ ɔ mi, nɛ e kpale e se.

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Mateo 7:6

“Nyɛ ko ngɔ níhi nɛ ngɛ klɔuklɔu ngɔ ha gbehi; ke nyɛ pee jã a, a ma plɛ wo nyɛ, nɛ a ma tua nyɛ. Nyɛ ko sake nyɛ june ngɔ pue kpotoohi a blɔ mi; ke nyɛ pee jã a, a maa naa nɔ.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Hosea 4:17

Israel ma a ke e ma ja amaga! É ya nɔ nɛ e pee nɔ́ nɛ e tsui suɔ.

Yeremia 23:33

Yawɛ de mi ke, “Yeremia, ke ji nimli nɛ ɔmɛ a ti nɔ ko, aloo gbalɔ ko, aloo osɔfo ko bi mo ke, ‘Mɛni ji Yawɛ sɛ gbi?’ ɔ, de lɛ ke, ‘Mo ji tlomi nɛ Yawɛ tloo ɔ nɛ, nɛ e ma sake mo kɛ fɔ he.’

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Marko 8:12

Se Yesu fa huu ngɛ e mi, nɛ e de ke, “Mɛni he je kikɛmɛ a yi nɔ nɛ ɔ bi ɔmɛ ngɛ nyakpɛ nɔ́ ko hlae nɛ a na a? I ngɛ nyɛ dee anɔkuale mi ke, a be kikɛmɛ a yi nɔ nɛ ɔ bi ɔmɛ okadi ko hae kɔkɔɔkɔ!”

Marko 8:14

Kaseli ɔmɛ a hɛ je nɔ nɛ a maa hɛɛ niye ní kɛ to dɛ; a hɛɛ we eko ngɛ lɛ ɔ mi, ja abolo bɔbɔɛ kake pɛ.

Ni Tsumi 27:2

Wa wó Adramitio lɛ ko kɛ ho. Lɛ nɛ ɔ yaa gu Asia wo nya ma amɛ a lɛsimuɔ he ɔmɛ. Aristarko, Makedonia no ɔ nɛ je Tesalonika a piɛ wa he.