Marko 8:12 - BAIBLO ALOO NGMAMI KLƆUKLƆU Ɔ

¹² Se Yesu fa huu ngɛ e mi, nɛ e de ke, “Mɛni he je kikɛmɛ a yi nɔ nɛ ɔ bi ɔmɛ ngɛ nyakpɛ nɔ́ ko hlae nɛ a na a? I ngɛ nyɛ dee anɔkuale mi ke, a be kikɛmɛ a yi nɔ nɛ ɔ bi ɔmɛ okadi ko hae kɔkɔɔkɔ!”

Somi He Ɔ

¹² Yesu la zanue ngɛ e mumi mi nɛ e ke: “Mɛni he je nɛ kikɛmɛ a yi nɔ bi nɛ ɔmɛ ngɛ okadi hlae? Niinɛ i ngɛ nyɛ dee ke: Ke a ma ha yi nɔ bi nɛ ɔmɛ okadi ko fii!”

Marko 8:12 ပူးပေါင်းရင်းမြစ်များ

Marko 7:34

Jehanɛ Yesu hyɛ hiɔwe, nɛ e fa huu, nɛ e de amuɛti tue kpokutsɛ ɔ ke, “Hefata”. E sisi ji, “Bli!”

Mateo 16:4

Mwɔnɛmwɔnɛ yi nɔ bi yayami nɛ li Mawu! Nyɛ bi ke ma pee nyakpɛ nɔ́ ko ha nyɛ, pi jã? Dɛbi! Okadi pɛ nɛ a ma ha nyɛ ji Yona nɔ́ ɔ.” Kɛkɛ nɛ Yesu je a he, nɛ e pue nɔ kɛ ho.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Marko 6:6

Ni ɔmɛ he we lɛ yi, nɛ enɛ ɔ pee lɛ nyakpɛ.

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Mateo 12:38

Kɛkɛ nɛ mlaa tsɔɔli ɔmɛ, kɛ Farisi bi ɔmɛ a ti ni komɛ de ke, “Tsɔɔlɔ, wa ngɛ o nine nya okadi ko hlae nɛ waa hyɛ.”

Marko 8:13

Kɛkɛ nɛ e je a he nɛ e ya sɛ lɛ mi ekohu kɛ ho wo ɔ se ya.