Marko 8:11 - BAIBLO ALOO NGMAMI KLƆUKLƆU Ɔ

¹¹ Farisi bi komɛ ba Yesu ngɔ, nɛ a kɛ lɛ ba bɔni nya sami. A ka lɛ ke e pee nyakpɛ nɔ́ ko kɛ tsɔɔ kaa Mawu lɛ ha lɛ he wami nɛ e kɛ ngɛ ní tsue ɔ.

Somi He Ɔ

¹¹ Kɛkɛ nɛ Farisifo ɔmɛ ba nɛ a kɛ lɛ ba bɔni nya sami. A ngɛ hlae nɛ a ka lɛ, lɔɔ he ɔ a bi lɛ hiɔwe okadi ko.

Marko 8:11 ပူးပေါင်းရင်းမြစ်များ

Mose II, 17:2

Lɔ ɔ he ɔ, ma a pia Mose, nɛ a de lɛ ke, “Ha wɔ nyu nɛ waa nu!” Mose de mɛ ke, “Mɛni he je nyɛ ngɛ mi piae? Mɛni he je nɛ nyɛ ngɛ Yawɛ kae ɔ?”

Mose II, 17:7

Mose wo lejɛ ɔ biɛ ke Masa kɛ Meriba, nɛ e de ke, “I wo kikɛmɛ a biɛ nɛ ɔ, ejakaa lejɛ ɔ nɛ Israel bi ɔmɛ pia Yawɛ ngɛ, nɛ lejɛ ɔ nɔuu a ka lɛ ngɛ benɛ a bi ke, ‘Anɛ Yawɛ ngɛ wa kpɛti, aloo e be?’ ɔ.”

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”

Mateo 12:38

Kɛkɛ nɛ mlaa tsɔɔli ɔmɛ, kɛ Farisi bi ɔmɛ a ti ni komɛ de ke, “Tsɔɔlɔ, wa ngɛ o nine nya okadi ko hlae nɛ waa hyɛ.”

Mateo 19:3

Farisi bi komɛ ba e ngɔ ba ka lɛ, nɛ a bi lɛ ke, “Anɛ wa mlaa a ngmɛɛ blɔ kaa nyumu fieɔ e yo ngɛ nɔ́ tsuaa nɔ́ ko he lo?”

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Mateo 22:15

Jehanɛ, Farisi bi ɔmɛ ho nɛ a ya so, bɔ nɛ a maa pee nɛ a ma na Yesu he blɔ kɛ gu lɛ nitsɛ e munyu tumi nɔ.

Mateo 22:18

Se Yesu na ga yaya a nɛ a to ɔ. Lɔ ɔ he ɔ, e de ke, “Osatotsɛmɛ, mɛni he je nyɛ ngɛ mi dae ɔ?

Mateo 22:23

Jamɛ a ligbi ɔ nɔuu ɔ, Saduki bi, nɛ mɛɛ a deɔ ke ni gbogboehi a si temi ko be ɔ ba Yesu ngɔ ba bi lɛ ke,

Marko 12:15

Se Yesu na kaa osato a ngɛ pee, lɔ ɔ he ɔ, e ha mɛ heto ke, “Mɛni he je nyɛ ngɛ mi kae? Nyɛɛ ngɔ sika nɛ a yeɔ ɔ eko kɛ ba ma hyɛ.”

Marko 2:16

Mlaa tsɔɔli ɔmɛ ekomɛ nɛ ji Farisi bi ɔmɛ na nɛ Yesu kɛ kikɛmɛ a nimli nɛ ɔmɛ hii si ngɛ ní yee. Lɔ ɔ he ɔ, a bi e kaseli ɔmɛ ke, “Mɛni he je nɛ Nyɔmtsɛ ɔ kɛ nimli kaa kikɛ nɛ ɔ yeɔ ní ɔ?”

Marko 9:16

Yesu bi e kaseli ɔmɛ ke, “Mɛni mi nyɛɛ kɛ ni ɔmɛ ngɛ hlae ɔ?”

Luka 10:25

Kɛkɛ nɛ mlaa tsɔɔlɔ ko te da si, nɛ e ka Yesu. E bi lɛ ke, “Tsɔɔlɔ, kɛ ma pee kɛɛ nɛ ma na neneene wami?”

Luka 11:16

Ni komɛ hu hla kaa a maa ka Yesu. Lɔ ɔ he ɔ, a de lɛ ke, “Moo pee nyakpɛ nɔ́ ko kɛ tsɔɔ wɔ kaa niinɛ, Mawu he wami nya ní o ngɛ tsue.”

Yohane 4:48

Se Yesu de lɛ ke, “Blɔɔ ke nyɛ nɛ okadihi, kɛ nyakpɛ níhi ɔ, lɛɛ nyɛ be hee maa ye!”

Yohane 6:30

A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?

Yohane 7:48

Anɛ nyɛ nu hyɛ kaa ma nimeli ɔmɛ, aloo Farisi bi ɔmɛ a ti nɔ kake ngmelu po he lɛ ye lo?

Yohane 8:6

Enɛ ɔ, a de kɛ da lɛ, konɛ a na nɔ́ ko nɛ a kɛ ya po e nya. Se Yesu sɔ̃ si, nɛ e kɛ e nine nguɛ ngma ní ngɛ zugba.

Ni Tsumi 5:9

Jehanɛ Petro bi lɛ ke, “Kɛ pee kɛɛ nɛ nyɛ pee nyɛ nya kake kɛ ye Nyɔmtsɛ ɔ Mumi ɔ lakpa a, nyɛ susu kaa nyɛ maa ye nyɛ he lo? Hyɛ, nihi nɛ ya pu o huno ɔ, mɛ lɛ a kpale kɛ ma a nɛ; a ma wo mo hu kɛ ho!”

1 Korintobi 10:9

Wa ko ka Nyɔmtsɛ ɔ kaa bɔ nɛ a ti ni komɛ pee, nɛ sinɔ kpata a hɛ mi ɔ.

Mose V, 6:16

“Nyɛ ko ka Yawɛ, nyɛ Mawu ɔ kaa bɔ nɛ nyɛ pee ngɛ Masa a.