Marko 7:6 - BAIBLO ALOO NGMAMI KLƆUKLƆU Ɔ

⁶ Se Yesu de mɛ ke, “Nɔ́ nɛ Yesaya gba ngɛ nyɛ osatotsɛmɛ nɛ ɔmɛ nyɛ he ɔ ngɛ mi sisiisi kaa bɔ nɛ a ngma ke, ‘Ma nɛ ɔ, a nya kɛkɛ a kɛ puaa imi Mawu ɔ, se a tsui lɛɛ e ngɛ se lokoo.

Somi He Ɔ

⁶ Se e he nɔ nɛ e de mɛ ke: “Niinɛ Yesaia gba ngɛ nyɛ osatotsɛmɛ nɛ ɔmɛ a he, kaa bɔ nɛ a ngma a ke: ‘Ma nɛ ɔ, a nya a kɛ puaa mi, se a tsui tsɛ e he kɛ je ye he kɛ ho lokoo ya.

Marko 7:6 ပူးပေါင်းရင်းမြစ်များ

Yesaya 29:13

Nyɔmtsɛ ɔ ke, “Ni nɛ ɔmɛ ke a ngɛ mi jae, se sisi numi ko be munyu ɔmɛ nɛ a ngɛ tue ɔ mi, ejakaa a tsui ngɛ he kpa kulaa. Nimli adesahi a mlaahi, kɛ blema sanehi nɛ a kase ngɔ wo a yi mi nɛ a deɔ kɛ a nya kɛkɛ ɔ ji nɔ́ nɛ a tsɛɛ ke jami.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 5:42

I le nyɛ su, nɛ i le hu kaa Mawu suɔmi be nyɛ mi.

Ni Tsumi 28:25

Se nɔ́ kake too nɛ Paulo de, nɛ lɔ ɔ kɛ nya sami wawɛɛ ba ni ɔmɛ a kpɛti, nɛ́ kpe ɔ kɛ gbɛ ji, “Nɔ́ nɛ Mumi Klɔuklɔu ɔ de nyɛ nɛmɛ ɔmɛ kɛ gu gbalɔ Yesaya nɔ ɔ ngɛ mi jã niinɛ!

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.