Marko 7:5 - BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, Farisi bi ɔmɛ, kɛ mlaa tsɔɔli ɔmɛ bi Yesu ke, “Mɛni he je nɛ o kaseli ɔmɛ yi wa nɛmɛ ɔmɛ a blema tsɔɔmi ɔmɛ a nɔ, nɛ a ngɔɔ a dɛ nɛ sɛ mu kɛ yeɔ ní ɔ?”

Somi He Ɔ

⁵ Lɔ ɔ he ɔ Farisifo ɔmɛ kɛ mlaa tsɔɔli ɔmɛ bi Yesu ke: “Mɛni he je nɛ o kaseli ɔmɛ yi nikɔtɔma amɛ a blema tsɔɔmi ɔmɛ anɔ nɛ a kɛ dɛ nɛ a fɔ we yeɔ ni ɔ?”

Marko 7:5 ပူးပေါင်းရင်းမြစ်များ

Mateo 15:2

“Kusumi nɛ wa nimeli to sisi blema a, mɛni he je nɛ o kaseli ɔmɛ bui ɔ? A fɔ we a dɛ loko a yeɔ ní!”

Marko 7:13

Nyɛɛ kɛ nyɛ blema tsɔɔmi ɔmɛ nɛ nyɛ tsɔɔ ɔ gu Mawu munyu ɔ. Níhi babauu nɛ ngɛ kaa enɛ ɔmɛ nyɛ peeɔ.”

Marko 7:8

“Nyɛ ngmɛɛ Mawu mlaa a he nɛ nyɛ pɛtɛ adesa mlaa mohu he.”

Marko 7:9

Jehanɛ Yesu de mɛ ke, “Tse nyɛ pee saminya kaa nyɛ kua Mawu mlaa a, konɛ nyɛɛ ye nyɛ blema tsɔɔmi ɔ nɔ!

Ni Tsumi 21:21

A nu kaa Yuda bi tsuo nɛ ngɛ ma je li ɔmɛ a kpɛti ɔ, nɔ́ nɛ o ngɛ mɛ dee ji kaa a ko ye Mose mlaa a nɔ, a ko po a bimɛ ɔmɛ, nɛ a ko tsu Yuda bi a kusumi hulɔ.

Ni Tsumi 21:24

O kɛ mɛ nɛ ya, nɛ kusumi nɛ a peeɔ kɛ tsukɔɔ nɔ he ɔ, nyɛ ya pee, nɛ o wo hiɔ ɔ ha mɛ, konɛ a sɛ a yi. Ke o pee ja a, nihi tsuo maa na kaa níhi nɛ a ba sɛɛ ngɛ o he ɔ be mi, se mohu mo nitsɛ po o yeɔ Mose mlaa a nɔ sisiisi.

Romabi 4:12

Lɛ nɔuu kɛ̃ e peeɔ nihi nɛ a po mɛ ɔ a tsɛ; pi ngɛ pomi nɛ a po mɛ ɔ kɛkɛ he, se mohu kaa hemi kɛ yemi nɛ wa tsɛ Abraham hɛɛ mi benɛ a na we nɛ a po lɛ tete ɔ, a hɛɛ jamɛ a hemi kɛ yemi ɔ nɔuu mi.

Galatabi 1:14

I tsu Yuda bi a jami ɔ he ní wawɛɛ pe wa juami bi Yuda fɔfɔɛhi babauu. I kɛ hɛdɔ tsu wa nɛmɛ ɔmɛ a kusumi ɔmɛ a he ní saminya.

2 Tesalonikabi 3:11

Wa ngɛ enɛ ɔ dee, ejakaa wa nu kaa ni komɛ ngɛ nyɛ kpɛti nɛ peeɔ hejɔ; a tsu we ní, se mohu a ngɔɔ a nya ngɔ woɔ nihi a sanehi a mi.

2 Tesalonikabi 3:6

Nyɛmimɛ, wa ngɛ nyɛ fae ngɛ wa Nyɔmtsɛ Yesu biɛ mi ke nyɛɛ kɛ nihi nɛ tsu we ní, kɛ ni nɛmɛ nɛ bɛ a je mi saminya kaa bɔ nɛ wa tsɔɔ mɛ ɔ kó bɔ.