Marko 7:34 - BAIBLO ALOO NGMAMI KLƆUKLƆU Ɔ

³⁴ Jehanɛ Yesu hyɛ hiɔwe, nɛ e fa huu, nɛ e de amuɛti tue kpokutsɛ ɔ ke, “Hefata”. E sisi ji, “Bli!”

Somi He Ɔ

³⁴ Nɛ e hyɛ hiɔwe, nɛ e ye kɔmɔ ngɛ e mumi mi, nɛ e de amuɛti tuekpokulɔ ɔ ke: “Hefata!” e sisi ji: “Bli!”

Marko 7:34 ပူးပေါင်းရင်းမြစ်များ

Mose II, 2:23

Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Marko 1:41

Yesu muklii mi sã lɛ ngɛ e he, nɛ e kpã e nine mi nɛ e ta e he, nɛ e de lɛ ke, “I suɔ! O he nɛ tsɔ!”

Marko 15:34

Ngmlɛ etɛ mi ɔ, Yesu kpa ngmlaa wawɛɛ ke, “Eloi, Eloi, lama sabaktani?” E sisi ji, “Ye Mawu, ye Mawu, mɛni he je nɛ o kua mi?”

Marko 5:41

E nu jokuɛ ɔ nine si, nɛ e de lɛ ke, “Talita kum.” E sisi ji, “Jokuɛ yo, i ngɛ mo dee ke tee si!”

Marko 6:41

Jehanɛ Yesu wo abolo enuɔ ɔ kɛ lo enyɔ ɔ nɛ e hyɛ hiɔwe, nɛ e gbaa nɔ. E ku abolo ɔ mi nɛ e kɛ ha e kaseli ɔmɛ, konɛ a dla ha ni ɔmɛ. E dla lo enyɔ ɔmɛ hulɔ ha mɛ tsuo.

Marko 7:35

Amlɔ ɔ, e tue ɔ bli, nɛ e lilɛ kpa a pɛne, nɛ e tu munyu pɛpɛɛpɛ.

Marko 8:12

Se Yesu fa huu ngɛ e mi, nɛ e de ke, “Mɛni he je kikɛmɛ a yi nɔ nɛ ɔ bi ɔmɛ ngɛ nyakpɛ nɔ́ ko hlae nɛ a na a? I ngɛ nyɛ dee anɔkuale mi ke, a be kikɛmɛ a yi nɔ nɛ ɔ bi ɔmɛ okadi ko hae kɔkɔɔkɔ!”

Luka 18:42

Yesu de lɛ ke, “Moo hyɛ nɔ́! O hemi kɛ yemi tsa mo.”

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Luka 7:14

Kɛkɛ nɛ e ho nɛ e ya pɛtɛ daka a he, nɛ nihi nɛ hɛɛ daka a da si. Jehanɛ ɔ, Yesu de ke, “Niheyo, i ngɛ mo dee ke, tee si!”

Yohane 11:33

Yesu na kaa Maria ngɛ ya foe; nɛ jehanɛ ɔ, bɔ nɛ Yuda bi ɔmɛ nɛ piɛ Maria he ɔ hu ngɛ ya foe ɔ ha Yesu hao ngɛ mumi mi.

Yohane 11:35

Yesu fo ya.

Yohane 11:38

Yesu hao ngɛ mumi mi ekohu, nɛ e pue nɔ kɛ ho yɔkɔ ɔ he ya. Tɛ puɔ nɛ a ngɔ tɛ kɛ tsi nya ji yɔkɔ ɔ.

Yohane 11:41

Jehanɛ a je tɛ ɔ; kɛkɛ nɛ Yesu wo e hɛ nɔ nɛ e hyɛ hiɔwe, nɛ e de ke, “Tsaatsɛ, i naa mo si kaa o buɔ mi tue.

Yohane 11:43

Benɛ e de enɛ ɔ se ɔ, e tsɛ lɛ kɛ gbi wawɛɛ ke, “Lazaro lee-ee, jee kpo!”

Yohane 17:1

Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Ni Tsumi 9:34

Kɛkɛ nɛ Petro de lɛ ke, “Aenea, Yesu Kristo tsa mo; tee si nɛ o hluɛ o sa a!” Aenea te si amlɔ.

Ni Tsumi 9:40

Se Petro je mɛ kpo. Kɛkɛ nɛ e kpla si nɛ e sɔle; nɛ e plɛ e hɛ mi ngɔ kpee gbogboe ɔ, nɛ e de ke, “Tabita, tee si!” Tabita bli e hɛngmɛ; nɛ benɛ e na Petro ɔ, e wo e he nɔ, nɛ e hi si.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.