Marko 7:22 - BAIBLO ALOO NGMAMI KLƆUKLƆU Ɔ

²² gba puɛmi, hɛkɔ, yi wu tso ní peemi, nɔ sisimi, yahomi, ninyɛ, nɔ biɛ puɛmi, he nɔ womi, kuasiahi a sane yemi.

Somi He Ɔ

²² jumi, hɛ kɔmi, je mi yaya bami, sisimi, ya homi, ninye, musu bɔmi, he womi, kuasiahi a sane yemi —

Marko 7:22 ပူးပေါင်းရင်းမြစ်များ

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

La 10:4

Yayami peelɔ ɔ he nɔ womi ha we nɛ e hlaa Mawu se blɔ. E susumi tsuo ji “Mawu ko be.”

La 119:36

Ha nɛ ma suɔ o mlaa amɛ mohu pe kaa ma na ní kpɔtɔɔ.

Abɛ Womi 12:23

Ní lelɔ maa e nya kɛ toɔ e nile nɔ. Kuasia lɛɛ e tuɔ munyu puu, nɛ lɔ ɔ nihi kɛ naa kaa kuasia ji lɛ.

Abɛ Womi 22:15

Nɔ́ nɛ jokuɛyo suɔ peemi ji kuasia jemi. Se tsɔsemi tso fieɔ nɔ́ nɛ ɔ kɛ jeɔ e he.

Abɛ Womi 23:6

Ke kpɛletsɛ ha mo abolo ɔ, koo ye; ko ha nɛ e niye ní ngɔngɔɛ ɔ nɛ jlo mo.

Abɛ Womi 24:9

Ga tsuaa ga nɛ kuasia toɔ ɔ, e peeɔ yayami. Nɔmlɔ nɛ nihi a he fɛu pɛ e yeɔ ɔ, a hiee lɛ.

Abɛ Womi 27:22

Ke a kongo kuasia kaa bɔ nɛ a gbeeɔ blɛfo ngɛ tso mi po, e biɛmi ɔ be tae.

Abɛ Womi 28:22

Nɔmlɔ nɛ hɛ mi sãã lɛ hlaa kaa e he maa sɔ kɛ na ní. Se e li tete kaa hwɔɔ se ɔ, e ma ba ye ohia.

Fiɛlɔ 7:25

Jehanɛ, i ba bɔni ní kasemi, kɛ níhi a si kpami. I pee ye yi mi kaa ma na nile, nɛ ma na ye ní bimi ɔmɛ a heto. Nɔ́ nɛ i na ji kaa yi mi wami ɔ, e ji kuasia jemi, nɛ biɛmi hu godo.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Mateo 6:23

Se ke o hɛngmɛ nɔ tsɔ we ɔ, lɛɛ o nɔmlɔ tso ɔ tsuo maa wo diblii. Lɔ ɔ he ɔ, ke la nɛ ngɛ o mi ji diblii ɔ, lɛɛ jamɛ a diblii ɔ mi ma ti wawɛɛ nitsɛ.

Marko 7:21

Ejakaa nɔmlɔ tsui mi tɔɔ nɛ juɛmi yayami nɛ ɔmɛ jeɔ: nyumu kɛ yo yakayaka fiɛmi, jumi, nɔ gbemi,

Marko 7:23

Ní yaya nɛ ɔmɛ tsuo ɔ, nɔmlɔ mi mi je a jeɔ, nɛ a bleɔ nɔmlɔ.”

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Mose V, 15:9

Ke jeha nɛ a kɛ hiɔ kee nɔ ɔ su ta po, ko kua kaa o maa pa lɛ nɔ́ ko. Ko ha susumi yaya kaa kikɛ nɛ ɔ nɛ ba o yi mi. Ke o kua lɛ nɔ́ nɛ hia lɛ ɔ hami, nɛ e fa kue ha Yawɛ kɛ si mo ɔ, a maa bu mo fɔ.

Mose V, 28:54

Ke a ba sá ma a yi kikɛ nɛ ɔ, nyumu nɛ ji odehe mi odehe nɛ mi mi jɔ po yi ma fi, nɛ e maa ye lɛ nitsɛ e bimɛ ɔmɛ ekomɛ; ejakaa e nɛ niye ní kpa ko. E be e nyɛminyumu, loo lɛ nitsɛ e yo nɛ e suɔ lɛ saminya, loo e bimɛ ɔmɛ nɛ piɛ ɔ lo ɔ eko hae.

Mose V, 28:56

Yo odehe mi odehe nɛ na ní kpɔtɔɔ, nɛ e hia we lɛ kaa e nyɛɛ kɛ ya he ko po maa pee jã kɛ̃. Ke he nyɛli ɔmɛ ba sá ma a yi ɔ, lɛ hu e yi ma fi ngɛ niye ní blɔ fa mi; e maa ye bimwɔyo he nɛ lɛ nitsɛ e fɔ ɔ ngɛ laami mi, nɛ e maa ye fɔmi se ɔ hulɔ. Lɛ nɔ kake e maa laa maa ye, nɛ e be e huno nɛ e suɔ lɛ saminya a, loo e bimɛ ɔmɛ eko hae.

1 Petro 2:15

Ejakaa Mawu suɔ kaa nyɛɛ pee kpakpa, konɛ kuasia amɛ nɛ hii ní tsuae putɛputɛɛ ɔ, a kpa munyu tumi kɛ si nyɛ.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”