Marko 6:51 - BAIBLO ALOO NGMAMI KLƆUKLƆU Ɔ

⁵¹ Kɛkɛ nɛ e ba a ngɔ ngɛ lɛ ɔ mi; nɛ kɔɔhiɔ ɔ jɔɔ fiami. Kaseli ɔmɛ a nya kpɛ a he nitsɛnitsɛ, nɛ a hɛ mi pee mɛ yaa;

Somi He Ɔ

⁵¹ Nɛ e ba a ngɔ ngɛ lɛ ɔ mi, nɛ kɔɔhiɔ ɔ jɔɔ fiami. Nɛ a nya kpɛ a he nitsɛnitsɛ, nɛ a hɛ mi pee mɛ yaa.

Marko 6:51 ပူးပေါင်းရင်းမြစ်များ

Mateo 8:10

Benɛ Yesu nu nɔ́ nɛ nyumu ɔ de ɔ, e hɛ mi pee lɛ yaa, nɛ e de nihi nɛ nyɛɛ e se ɔ ke, “Niinɛ, i ngɛ nyɛ dee ke Israel bi a kpɛti tete po, i nɛ hemi kɛ yemi kaa kikɛ nɛ ɔ!

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Marko 2:12

Ngɛ mɛ tsuo a hɛ mi ɔ, nyumu ɔ te si nɔuu; e ngɔ e sa a, nɛ e je kpo. Mɛ tsuo a nya kpɛ a he, nɛ a je Mawu yi ke, “Wa nɛ enɛ ɔ eko hyɛ!”

Marko 4:39

Yesu te si, nɛ e nga kɔɔhiɔ ɔ yi, nɛ e de wo ɔ ke, “Ngmɛɛ dii!” Kɔɔhiɔ ɔ jɔɔ fiami, nɛ wo ɔ ngmɛ dii.

Marko 4:41

Se mɛɛ a he mi po, nɛ a bi a he ke, “Mɛnɔ ji nɛ ɔ nɛ kɔɔhiɔ kɛ wo tete buɔ lɛ tue nɛ ɔ!”

Marko 5:42

Amlɔ ɔ, jokuɛ yo ɔ te si nɛ e bɔni nyɛɛmi. (E ye jeha nyɔngma kɛ enyɔ.) Ni ɔmɛ a nya kpɛ a he nitsɛnitsɛ ngɛ nɔ nɛ ba nɛ ɔ he.

Marko 6:32

Kɛkɛ nɛ mɛ kɔklɔɔ a sɛ lɛ mi kɛ ho he ko banee ya.

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”

Yohane 6:21

A he lɛ kɛ wo lɛ ɔ mi kɛ bua jɔmi; amlɔ ɔ nɔuu ɔ, lɛ ɔ ya sa kpo he he nɛ a yaa a.