Marko 6:48 - BAIBLO ALOO NGMAMI KLƆUKLƆU Ɔ

⁴⁸ E na kaa pɔ tɔ kaseli ɔmɛ wawɛɛ kɛ lɛ ɔ hluimi; ejakaa a ngɛ kɔɔhiɔ kpee. Makɛ mla maa pee ngmlɛ etɛ kɛ yaa a, Yesu nyɛɛ wo ɔ hɛ mi kɛ ma a ngɔ; nɛ e ngɛ hlae nɛ e be a he.

Somi He Ɔ

⁴⁸ E na kaa hluimi ɔ ngɛ kaseli ɔmɛ pɔtɔ woe, ejakaa a ngɛ kɔɔhiɔ kpee; nɛ makɛ mla, maa pee ngmlɛ etɛ loo nɔ́ mi ɔ, e nyɛɛ nyu ɔ hɛ mi kɛ ma a ngɔ, nɛ e ngɛ hlae nɛ e be a he.

Marko 6:48 ပူးပေါင်းရင်းမြစ်များ

Luka 24:28

Benɛ a miɔ nɛ a maa su kɔpe mi he nɛ a yaa a, Yesu pee kaa nɔ́ nɛ e yaa e hɛ mi.

Luka 12:38

Ke e ba nyɔ mi kpɛti, aloo makɛ tete po, nɛ e ba na mɛ jã a, a gbaa mɛ!

Hiob 9:8

Benɛ Mawu maa gbla hiɔwe mi, nɛ e maa naa wo mi lohwe ngua a nɔ ɔ, nɔ ko piɛ we e he.

Yohane 1:13

A pee mɛ Mawu bimɛ, pi ngɛ he lo nya kaa nyumu fɔɔ bi aloo nɔmlɔ adesa suɔmi nya; Mawu mi a je kɛ fɔ mɛ.

Mateo 14:24

Jamɛ a be ɔ mi ɔ, lɛ ɔ su wo ɔ kpɛti momo. Oslɔke ngɛ kue kɛ ngɛ lɛ ɔ mi woe, ejakaa a ngɛ kɔɔhiɔ kpee.

Yesaya 54:11

Yawɛ ke, “Yerusalem, ma nɛ na amanehlu, mo nɛ nɔ ko piɛ we o he nɛ e wo mo bua. Ma ngɔ tɛhi nɛ a he jua wa kɛ fia o sisi tomi ɔ ekohu.

La 104:3

O ma o we ɔ ngɔ fɔ nyu nɛ ngɛ hiɔwe ɔ nɔ. O ngɔ bɔku kɛ pee o lɛ, nɛ kɔɔhiɔ mi o nyɛɛɔ.

La 93:4

Se Yawɛ nɛ ngɛ hiɔwe ɔ he wa kulaa pe wo ɔ nɛ ngɛ pɛe ɔ; Yawɛ he wa kulaa pe wo nɔ oslɔke ɔmɛ.

Samuel I, 11:11

E nɔ jena a, Saul gba ma a mi kɛ wo tabo etɛ a mi. Makɛ ɔ, a ya sɛ he nyɛli ɔmɛ a ta a mi, nɛ a tua Amon bi ɔmɛ. A gbe Amon hluu kɛ ya si be nɛ pu da. Ni nɛmɛ nɛ piɛ ɔ gbɛ fĩa, nɛ o be a ti nihi enyɔ po nae ngɛ he kake.

Mose I, 32:26

Nyumu ɔ de Yakob ke, “Ngmɛɛ ye he nɛ ma ho; je ngɛ mi nae!” Yakob he nɔ ke, “I be hae nɛ o ya, ja o gbaa mi lolo!”

Mose I, 19:2

nɛ e de ke, “Ye nyɔmtsɛmɛ, i kpa nyɛ pɛɛ, nyɛ gba ye we ɔ mi nɛ nyɛ ba to mi. Nyɛ ba fɔ nyɛ nanehi a he nɛ nyɛɛ hwɔ hiɛ ɔ, konɛ nyɛɛ te si makɛ nɛ nyɛ tsa nyɛ nyɛɛmi ɔ nɔ.” Se a he nɔ ke, “Dɛbi, wa maa hwɔ ma nɔ hiɛmɛ nɛ ɔ kɛkɛ.”

Mose II, 14:24

Mɔtu kpla a, Yawɛ hyɛ Egipt tabo ɔ kɛ gu la titima a, kɛ bɔku titima a a mi, nɛ e ha nɛ sawale nu mɛ.

Mateo 24:43

Nyɛ ná nyɛɛ le kaa ke wetsɛ ko le nyɔ mi be tutuutu nɛ julɔ maa ba e we mi ɔ, e ko huɔ, nɛ e ko ngmɛ́ blɔ nɛ julɔ ɔ ba ju lɛ.

Marko 6:47

Benɛ je jɔ ɔ, lɛ ɔ su wo ɔ kpɛti, nɛ Yesu nɔ kake too ngɛ kpo.

Marko 6:49

Benɛ a na lɛ nɛ e nyɛɛ wo ɔ hɛ mi ɔ, a susu kaa kpade, nɛ a kpa ngmlaa;

Marko 13:35

Lɔ ɔ he ɔ, nyɛɛ hyɛ saminya, ejakaa nyɛ li be mi nɛ wetsɛ ɔ ma; eko ɔ gbɔkuɛ, loo nyɔ mi kpɛti, loo kungwɔ nɔ kpami be, loo mɔtu,