Marko 6:46 - BAIBLO ALOO NGMAMI KLƆUKLƆU Ɔ

⁴⁶ Benɛ e kɛ ni ɔmɛ ye sɛ gbe nya a, e pue nɔ kɛ ho yo ɔ nɔ ya konɛ e ya sɔle.

Somi He Ɔ

⁴⁶ Nɛ benɛ e wo mɛ blɔ se ɔ, e pue nɔ kɛ ho yoku ɔ nɔ ya konɛ e ya sɔle.

Marko 6:46 ပူးပေါင်းရင်းမြစ်များ

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya nɛ e ya sɔle.

Mateo 6:6

Se moo lɛɛ ke o maa sɔle ɔ, yaa sɛ o tsu mi, nɛ o nga sinya a, nɛ o sɔle ngɔ ha o Tsɛ nɛ a nɛ lɛ ɔ. Nɛ o Tsɛ nɛ naa níhi nɛ a peeɔ ngɛ laami mi ɔ maa wo mo hiɔ.

Luka 6:12

Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

Mateo 14:23

Benɛ e wo ni ɔmɛ blɔ se ɔ, lɛ nɔ kake e kuɔ yoku ɔ, nɛ e ya sɔle. Benɛ je jɔ ɔ, Yesu nɔ kake too nɛ ngɛ lejɛ ɔ.

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.

Marko 6:47

Benɛ je jɔ ɔ, lɛ ɔ su wo ɔ kpɛti, nɛ Yesu nɔ kake too ngɛ kpo.

Ni Tsumi 18:18

Paulo kɛ nyɛmimɛ ɔmɛ hi si ngɛ Korinto be saii. Lɔ ɔ se ɔ, e kɛ mɛ ye sɛ, nɛ e ngɔ Priskila, kɛ Akuila kɛ piɛ e he, nɛ a ya wó lɛ kɛ ba Siria. Loko lɛ ɔ maa hia ngɛ Kenkrea a, Paulo ha a sɛ e yi ha lɛ, ejakaa be ko ɔ, e wo Mawu si ko.

Ni Tsumi 18:21

Benɛ a ngɛ sɛ yee ɔ, e de mɛ ke, “Ke Mawu suɔ ɔ, ma kpale kɛ ba nyɛ ngɔ ekohu.” Kɛkɛ nɛ e wó lɛ, nɛ e je Efeso.

2 Korintobi 2:13

Se i hao, ejakaa i nɛ wa nyɛmi Tito. Lɔ ɔ he ɔ, i kɛ mɛ ye sɛ, nɛ i pue nɔ kɛ ho Makedonia ya.