Marko 6:36 - BAIBLO ALOO NGMAMI KLƆUKLƆU Ɔ

³⁶ Wó ni ɔmɛ blɔ kɛ ya ngmɔ si, kɛ kɔpe ɔmɛ nɛ bɔle wɔ ɔ a mi, nɛ a ya he nɔ́ ko nɛ a ye.”

Somi He Ɔ

³⁶ wo ni ɔmɛ blɔ nɛ a ya ngmɔ ɔmɛ a si kɛ kɔpe ɔmɛ nɛ pueɔ si ngɛ wa he ɔmɛ a mi nɛ a ya he nɔ́ ko nɛ a ye.”

Marko 6:36 ပူးပေါင်းရင်းမြစ်များ

Mateo 15:23

Se Yesu pui e nya mi. Kɛkɛ nɛ kaseli ɔmɛ ba e ngɔ nɛ a ba kpa lɛ pɛɛ ke, “Yo nɛ ɔ ngɛ ngmlaa kpae kɛ nyɛɛ wa se! Wo lɛ blɔ nɛ e ho!”

Mateo 16:22

Petro tsɛ lɛ kɛ ya se, nɛ e bɔni e hɛ mi kami ke, “Nyɔmtsɛ, enɛ ɔ ya je ngɛ se lokoo! Mawu ko ha nɛ nɔ́ nɛ ɔ nɛ ba o nɔ kɔkɔɔkɔ!”

Marko 3:21

Benɛ e weku li nu he ɔ, a ho konɛ a ya nu lɛ, ejakaa nihi ngɛ dee ke, “E yi mi ngɛ puɛe!”

Marko 5:31

E kaseli ɔmɛ he nɔ ke, “O ngɛ hyɛe kaa asafo ɔ ngɛ mo miae, nɛ o pa ngɛ bie ke, mɛnɔ ta o he lo?”

Marko 6:35

Gbɔkuɛ nya si haa a, kaseli ɔmɛ ba e ngɔ ba de lɛ ke, “Ngapa ji hiɛ ɔ, nɛ je hu ngɛ jɔe.

Marko 6:37

Se Yesu he nɔ ke, “Nyɛ nitsɛmɛ nyɛ ha mɛ nɔ́ ko nɛ a ye.” A bi lɛ ke, “Anɛ waa ya nɛ wa ya he abolo sika hiɔ yi lafa enyɔ nya ha mɛ nɛ a ye lo?”