Marko 6:34 - BAIBLO ALOO NGMAMI KLƆUKLƆU Ɔ

³⁴ Benɛ Yesu kple ɔ, e na nimli babauu nitsɛ, nɛ e mi mi sã lɛ ngɛ a he, ejakaa a ngɛ kaa tohi nɛ be hyɛlɔ. Kɛkɛ nɛ e bɔni mɛ níhi fuu tsɔɔmi.

Somi He Ɔ

³⁴ Benɛ Yesu kple ɔ, e na asafo gidiglɛmɛ, nɛ e mi mi sa lɛ ngɛ a he, ejakaa a ngɛ kaa tohi nɛ be hyɛlɔ; nɛ e bɔni mɛ nihi fuu tsɔɔmi.

Marko 6:34 ပူးပေါင်းရင်းမြစ်များ

Matsɛmɛ I, 22:17

Mikaya he nɔ ke, “I na Israel tabo ɔ tsuo nɛ a gbɛ fĩa ngɛ yoku ɔmɛ a nɔ kaa tohi nɛ be hyɛlɔ. Nɛ Yawɛ de ke, ‘Nimli nɛ ɔmɛ be tsɛ; ha nɛ a kpale kɛ ho a wehi a mi ya ngɛ tue mi jɔmi mi.’ ”

Kronika II, 18:16

Mikaya he nɔ ke, “I na Israel tabo ɔ tsuo nɛ a gbɛ ngɔ fĩa ngɛ yoku ɔmɛ a nɔ kaa tohi nɛ be hyɛlɔ. Nɛ Yawɛ de ke, ‘Nimli nɛ ɔmɛ be nyatsɛ; ha nɛ a kpale kɛ ho a wehi a mi ya ngɛ tue mi jɔmi mi.’ ”

Yesaya 13:14

“Nibwɔhi nɛ ngɛ Babilon ɔ maa ma fo kɛ ho mɛ nitsɛmɛ a zugbahi a nɔ ya; a maa gbɛ fĩa kaa odabɔhi nɛ ngɛ fo tue kɛ je de dali a blɔ mi, loo kaa tohi nɛ be hyɛlɔ.

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Ezekiel 34:5

To hyɛlɔ ko be; lɔ ɔ he ɔ, to ɔmɛ gbɛ fĩa, nɛ lohwe awi yeli ya nuu mɛ nɛ a ye.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.

Mose IV, 27:17

nɔ nɛ maa nyɛɛ a hɛ mi, nɛ e ma kpaka mɛ kɛ ya kɛ ba, bɔ nɛ pee nɛ mo Yawɛ, o ma kpekpemi ɔ nɛ ko pee kaa tohi nɛ be hyɛlɔ.”

Mateo 14:14

Yesu je kpo ngɛ lɛ ɔ mi, nɛ benɛ e na ni ɔmɛ ɔ, e mi mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 15:32

Yesu tsɛ e kaseli ɔmɛ kɛ ba e ngɔ, nɛ e de mɛ ke, “Ye mi mi ngɛ mi sããe ngɛ nimli kpekpemi nɛ ɔmɛ a he. Ligbi etɛ sɔuu ji nɛ ɔ nɛ a kɛ mi ngɛ, nɛ a be nɔ́ ko nɛ a maa ye. I sume kaa ma wo mɛ blɔ kɛ ho kɛ hwɔ; eko piɔ klibi ma ya po mɛ ngɛ blɔ ɔ nɔ.”

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Marko 6:33

Nihi babauu na mɛ nɛ a yaa, nɛ a yo mɛ. Lɔ ɔ he ɔ, a je ma amɛ tsuo a mi kɛ fo kɛ gu nane blɔ nɛ a ya su lejɛ ɔ si Yesu kɛ e kaseli ɔmɛ.

Marko 6:35

Gbɔkuɛ nya si haa a, kaseli ɔmɛ ba e ngɔ ba de lɛ ke, “Ngapa ji hiɛ ɔ, nɛ je hu ngɛ jɔe.

Marko 8:1

Pee se ɔ, nihi babauu ba bua a he nya ekohu. A nɛ́ nɔ́ ko nɛ a ye; lɔ ɔ he ɔ, Yesu tsɛ e kaseli ɔmɛ kɛ ba e ngɔ, nɛ e de mɛ ke,

Marko 8:2

“Ye mi mi ngɛ mi sããe ngɛ nimli kpekpemi nɛ ɔmɛ a he, ejakaa a kɛ mi hi si ligbi etɛ sɔuu, nɛ a be nɔ́ ko nɛ a maa ye.

Luka 9:11

Benɛ nimli kpekpemi ɔ nu he ɔ, a bu kɛ nyɛɛ e se. E he mɛ hɛmuɔ, nɛ e kɛ mɛ tu Mawu matsɛ yemi ɔ he munyu; nɛ e tsa nihi nɛ tsami he hia mɛ.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.