Marko 6:30 - BAIBLO ALOO NGMAMI KLƆUKLƆU Ɔ

³⁰ Kaseli ɔmɛ kpale kɛ ba Yesu ngɔ, nɛ a ba bɔ lɛ níhi nɛ a ya pee, kɛ níhi nɛ a ya tsɔɔ ɔ tsuo.

Somi He Ɔ

³⁰ Kaseli ɔmɛ bua a he nya kɛ ba Yesu ngɔ, nɛ a ba bɔ lɛ nihi nɛ a ya pee kɛ nihi nɛ a ya tsɔɔ ɔ tsuo kulaa.

Marko 6:30 ပူးပေါင်းရင်းမြစ်များ

Mose I, 24:66

Tsɔlɔ ɔ bɔ Isak e blɔ hiami mi amaniɛ tsuo.

Mateo 10:2

Bɔfohi nyɔngma kɛ enyɔ ɔmɛ a biɛhi ji nɛ ɔmɛ nɛ. Kekleekle nɔ ji Simon (nɛ a tsɛɛ lɛ Petro hulɔ ɔ), kɛ e nyɛmi Andrea, Yakobo, kɛ e nyɛmi Yohane, Zebedeo bimɛ ɔmɛ,

Marko 3:14

E hla a kpɛti ni nyɔngma kɛ enyɔ, konɛ a kɛ lɛ ba hi si, nɛ́ e tsɔ mɛ nɛ a ya fiɛ.

Marko 6:29

Benɛ Yohane kaseli ɔmɛ nu he ɔ, a ba wo e gbogboe ɔ nɛ a ya pu.

Luka 10:17

Ni nyingmi kpaago kɛ enyɔ ɔmɛ kpale kɛ ba kɛ bua jɔmi babauu. A ba de ke, “Nyɔmtsɛ, mumi yayamihi tete bu wɔ tue benɛ waa kɛ o biɛ hia mɛ ɔ!”

Luka 17:5

Bɔfo ɔmɛ de Nyɔmtsɛ ɔ ke, “Ha nɛ wa hemi kɛ yemi ɔ mi nɛ wa!”

Luka 22:14

Benɛ ngmlɛfia a su ɔ, Yesu ya hi e blɔ he ngɛ okplɔɔ ɔ he; e kɛ bɔfo nyɔngma kɛ enyɔ ɔmɛ.

Luka 24:10

Maria Magdalena, kɛ Yohana, kɛ Yakobo nyɛ Maria, kɛ yi kpa komɛ nɛ piɛ a he ɔ ji nihi nɛ ba sɛɛ ní nɛ ɔmɛ ngɔ ha bɔfo ɔmɛ ɔ nɛ.

Luka 6:13

Benɛ je na a, e tsɛ e kaseli ɔmɛ kɛ ba e ngɔ, nɛ e hla a kpɛti ni nyɔngma kɛ enyɔ, nɛ e tsɛ mɛ ke bɔfohi.

Luka 9:10

Bɔfo ɔmɛ kpale a se kɛ ba, nɛ a ba sɛɛ níhi tsuo nɛ a ya pee ɔ ngɔ ha Yesu. Jehanɛ ɔ, e kɛ mɛ pɛ pue nɔ kɛ ho ma ko nɛ a tsɛɛ Betsaida a ya.

Ni Tsumi 1:26

Kɛkɛ nɛ a fɔ sɔ, konɛ a kɛ hla ni enyɔ ɔmɛ a ti nɔ kake. Sɔ ɔ ya nɔ Matia nɔ; nɛ a ngɔ lɛ ngɔ piɛ bɔfo nyɔngma kɛ kake ɔmɛ a he.