Marko 6:3 - BAIBLO ALOO NGMAMI KLƆUKLƆU Ɔ

³ Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Somi He Ɔ

³ Anɛ pi kapitɛ ɔ ji nɛ ɔ, Maria bi ɔ, kɛ Yakobo kɛ Yose kɛ Yuda kɛ Simonmɛ a nyɛmi nyumu ɔ, nɛ pi e nyemimɛ yihi hu nɛ kɛ wɔ ngɛ hiɛ ɔ?” Nɛ lɔ ɔ he ɔ a kua lɛ.

Marko 6:3 ပူးပေါင်းရင်းမြစ်များ

Mateo 12:46

Benɛ Yesu kɛ ni ɔmɛ ngɛ munyu tue kɛ mwɔɔ ɔ, e nyɛ, kɛ e nyɛminyumu ɔmɛ ba da agbo ɔ nya, nɛ a ngɛ hlae nɛ a kɛ lɛ nɛ tu munyu. [

Yohane 6:42

nɛ a bi ke, “Anɛ pi Yosef bi Yesu ɔ ji nɛ ɔ? Tse wa le e tsɛ kɛ e nyɛ! Nɛ lɛɛ e ke e je hiɔwe ɔ? Kɛ pee kɛɛ nɛ e deɔ jã mɔ?”

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Galatabi 1:19

Bɔfo kpa amɛ lɛɛ i nɛ a ti nɔ ko nɔ ko, pe Nyɔmtsɛ ɔ nyɛmi Yakobo pɛ.

Mateo 11:6

A gbaa nɔ nɛ mi mi fu we ngɛ ye he.”

Ni Tsumi 1:13

A ba sɛ ma a mi, nɛ a kuɔ kɛ ho hiɔwe tsu mi he nɛ a ba to ɔ. Mɛ ji Petro, Yohane, Yakobo, Andrea, Filipo, Toma, Bartolomeo, Mateo, Alfeo bi Yakobo, Simon ma he doolɔ ɔ, kɛ Yuda, Yakobo bi ɔ.

Marko 15:40

Yi komɛ hu ngɛ lejɛ ɔ nɛ daa si ngɛ se banee ngɛ nɔ hyɛe. A ti ni komɛ ji Maria Magdalena kɛ Maria, Yakobo wayo kɛ Yose a nyɛ ɔ, kɛ Salome.

1 Korintobi 1:23

Se wɔɔ lɛɛ Kristo nɛ a sɛu ɔ wa ngɛ fiɛe. Enɛ ɔ peeɔ blɔ tsimi nɔ ha Yuda bi, nɛ Hela bi hu buu lɛ kaa kuasiahi a sane.

Yohane 14:22

Yuda (pi Yuda Iskariot) bi lɛ ke, “Nyɔmtsɛ, kɛ pee kɛɛ nɛ wɔ pɛ nɛ o ma ha nɛ waa le mo, se pi je ɔ tsuo ɔ?”

Luka 7:23

A gbaa nihi nɛ ngɛ hemi kɛ yemi ngɛ ye mi kɛ mwɔɔ!”

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

1 Petro 2:4

Nyɛɛ ba Nyɔmtsɛ ɔ ngɔ. Lɛ ji tɛ nɛ hɛ ngɛ nɛ adesa kua lɛ kaa nɔ́ nɛ he be se nami ɔ nɛ. Se Mawu lɛɛ e hla lɛ kaa nɔ́ nɛ he jua wa saminya.

1 Korintobi 9:4

Anɛ wa be he blɔ kaa wa naa niye ní kɛ jeɔ nyɛ ngɔ ngɛ ní nɛ wa ngɛ tsue ɔ he lo?

Marko 3:18

Andrea, Filipo, Bartolomeo, Mateo, Toma, Alfeo bi Yakobo, Tadeo, Simon ma he doolɔ ɔ,

Ni Tsumi 12:17

E wo mɛ nine ke a pee kɔ; nɛ e tsɔɔ mɛ bɔ nɛ Nyɔmtsɛ ɔ ba je lɛ ngɛ tsu ɔ mi. E de mɛ ke, “Nyɛɛ ya nɛ nyɛ ya sɛɛ nɔ́ nɛ ɔ ha Yakobo kɛ nyɛmimɛ ɔmɛ.” Kɛkɛ nɛ e je lejɛ ɔ kɛ ho he kpa ya.

Luka 8:20

Kɛkɛ nɛ nɔ ko de lɛ ke, “O nyɛ, kɛ o nyɛmimɛ ɔmɛ daa si ngɛ kpo ɔ nɔ, nɛ a ngɛ hlae nɛ a na mo.”