Marko 6:14 - BAIBLO ALOO NGMAMI KLƆUKLƆU Ɔ

¹⁴ Matsɛ Herode ba nu ní nɛ ɔmɛ tsuo a he, ejakaa Yesu biɛ pɛ kɛ kpa he tsuaa he. Ni komɛ de ke, “Yohane nɔ sɔlelɔ ɔ lɛ te si kɛ je gbeje, lɔ ɔ lɛ e ngɛ he wami nɛ e kɛ ngɛ ní nɛ ɔmɛ tsue ɔ nɛ.”

Somi He Ɔ

¹⁴ Nɛ matsɛ Herode nu he, ejakaa Yesu biɛ jije. Ni komɛ ke: “Yohane Baptisilɔ ɔ lɛ te si kɛ je gbeje, lɔ ɔ he nɛ he wami nɛ ɔmɛ ngɛ ni tsue ngɛ e mi ɔ nɛ.”

Marko 6:14 ပူးပေါင်းရင်းမြစ်များ

1 Tesalonikabi 1:8

Pi Makedonia kɛ Akaya kɛkɛ nɛ Nyɔmtsɛ ɔ sɛ gbi ɔ nɛ nyɛ fiɛ ɔ gbɛ fĩa a, se he tsuaa he ɔ, a nu nyɛ hemi kɛ yemi nɛ nyɛ ngɛ ngɛ Mawu mi ɔ hu he. Enɛ ɔ he je ɔ, e hia we kaa wɔɔ wa deɔ nɔ́ ko hu.

Luka 13:31

Jamɛ a be ɔ mi nɔuu ɔ, Farisi bi komɛ ba Yesu ngɔ ba de lɛ ke, “Jee hiɛ ɔ nɛ o ho; ejakaa Herode ngɛ mo hlae nɛ e gbe.”

Luka 3:1

Roma matsɛ Tiberio yi nɔ jeha nyɔngma kɛ enuɔne ɔ, Pontio Pilato ngɛ amlaalo yee ngɛ Yudea, nɛ Herode ngɛ amlaalo nɔkɔtɔma yee ngɛ Galilea. Herode nyɛmi Filipo ngɛ amlaalo nɔkɔtɔma yee ngɛ Iturea, kɛ Trakoniti zugba a nɔ, nɛ Lisania ngɛ amlaalo nɔkɔtɔma yee ngɛ Abileene.

Marko 8:28

A he nɔ ke, “Ni komɛ deɔ ke, Yohane nɔ sɔlelɔ ɔ. Ni komɛ deɔ ke Eliya, nɛ ni kpa komɛ hu deɔ ke gbali ɔmɛ a ti nɔ kake ji mo.”

Marko 1:45

Se nyumu ɔ pue nɔ kɛ ho, nɛ e ya bɔni sane ɔ fiɛmi ngɛ he tsuaa he. Enɛ ɔ ha sane ɔ gbɛ fĩa bɔ nɛ Yesu nyɛ we nɛ e nyɛɛ paa kɛ ya ma ko mi hu; se e hi ngapa he komɛ banee, nɛ nihi jee he tsuaa he kɛ baa e ngɔ.

Marko 1:28

Enɛ ɔ he ɔ, Yesu he sane gbɛ fĩa Galilea kpokpa a tsuo nɔ.

Mateo 9:31

Se benɛ a si lɛ ɔ, a ya gbɛ e he sane ɔ ngɔ fĩa lejɛ ɔ zugba a nɔ tsuo.

Kronika II, 26:15

E ha nɛ e ga ní tsuli kpanaa amɛ pee klama komɛ ngɛ Yerusalem. A kɛ klama amɛ ma mɔ ɔmɛ, kɛ gbogbo kɔ̃ nya amɛ a nɔ, konɛ a kɛ tsɛ̃ kɛ̃ɛ̃, nɛ a kɛ kpɛne tɛ agboagbohi kɛ je lejɛ ɔmɛ. E matsɛ yemi ɔ he si, nɛ e biɛ pɛ kɛ ya lokoo, ejakaa Mawu piɛ e he.

Kronika II, 26:8

Amon bi ɔmɛ tsuɔ tó kɛ haa Uzia. Nɔ́ nɛ ɔ ha nɛ e matsɛ yemi ɔ ba he si, nɛ e biɛ pɛ wawɛɛ nitsɛ kɛ ya su Egipt tɔɔ.

Luka 9:19

A he nɔ ke, “Ni komɛ ke Yohane nɔ sɔlelɔ ɔ ji mo; ni komɛ ke Eliya, nɛ ni komɛ hu ke blema gbali ɔmɛ eko lɛ a tle si.”

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.

Luka 7:17

Yesu he sane nɛ ɔ pɛ ngɛ zugba a nɔ tsuo, kɛ lejɛ ɔ kpokpa amɛ a nɔ.