Marko 5:42 - BAIBLO ALOO NGMAMI KLƆUKLƆU Ɔ

⁴² Amlɔ ɔ, jokuɛ yo ɔ te si nɛ e bɔni nyɛɛmi. (E ye jeha nyɔngma kɛ enyɔ.) Ni ɔmɛ a nya kpɛ a he nitsɛnitsɛ ngɛ nɔ nɛ ba nɛ ɔ he.

Somi He Ɔ

⁴² Nɛ amlɔ ɔ, jokuɛ ɔ te si nɛ e bɔni si slami; (e ye jeha nyɔngma kɛ enyɔ.) Nɛ ni ɔmɛ a nya kpɛ a he nitsɛnitsɛ.

Marko 5:42 ပူးပေါင်းရင်းမြစ်များ

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Marko 4:41

Se mɛɛ a he mi po, nɛ a bi a he ke, “Mɛnɔ ji nɛ ɔ nɛ kɔɔhiɔ kɛ wo tete buɔ lɛ tue nɛ ɔ!”

Marko 5:41

E nu jokuɛ ɔ nine si, nɛ e de lɛ ke, “Talita kum.” E sisi ji, “Jokuɛ yo, i ngɛ mo dee ke tee si!”

Marko 5:43

Se Yesu wo mɛ si veveeve ke a ko ha nɔ ko nɔ ko nɛ le nɔ nɛ ba a. Kɛkɛ nɛ e fa ke a ha lɛ nɔ́ ko nɛ e ye.

Marko 6:51

Kɛkɛ nɛ e ba a ngɔ ngɛ lɛ ɔ mi; nɛ kɔɔhiɔ ɔ jɔɔ fiami. Kaseli ɔmɛ a nya kpɛ a he nitsɛnitsɛ, nɛ a hɛ mi pee mɛ yaa;

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”