Marko 5:40 - BAIBLO ALOO NGMAMI KLƆUKLƆU Ɔ

⁴⁰ Se ni ɔmɛ muɔ lɛ. Kɛkɛ nɛ e fie mɛ tsuo kɛ je kpo, nɛ e ngɔ jokuɛ ɔ tsɛ kɛ e nyɛ, kɛ nihi nɛ piɛ e he ɔ kɛ sɛ tsu mi he nɛ jokuɛ ɔ hwɔɔ si ngɛ ɔ.

Somi He Ɔ

⁴⁰ Nɛ a muɔ lɛ. Se lɛɛ e fie ni ɔmɛ tsuo kɛ je kpo, nɛ e ngɔ jokuɛ ɔ tsɛ kɛ e nyɛ kɛ nihi nɛ piɛ e he ɔ kɛ ho he nɛ jokuɛ ɔ hwɔɔ si ngɛ ɔ ya.

Marko 5:40 ပူးပေါင်းရင်းမြစ်များ

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Matsɛmɛ II, 4:33

E nga sinya a kɛ wo mɛ ni enyɔ ɔmɛ a yi, nɛ e fa kue ha Yawɛ.

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Luka 16:14

Benɛ Farisi bi ɔmɛ nu ní nɛ ɔmɛ tsuo ɔ, a ye Yesu he fɛu, ejakaa a suɔ sika.

Mateo 7:6

“Nyɛ ko ngɔ níhi nɛ ngɛ klɔuklɔu ngɔ ha gbehi; ke nyɛ pee jã a, a ma plɛ wo nyɛ, nɛ a ma tua nyɛ. Nyɛ ko sake nyɛ june ngɔ pue kpotoohi a blɔ mi; ke nyɛ pee jã a, a maa naa nɔ.

La 22:7

Nɔ tsuaa nɔ nɛ maa na mi ɔ, e yeɔ ye he fɛu. A plɛɔ a nya, nɛ a mimiɛɔ a yi.

Hiob 12:4

I plɛ pee muɔ nɔ́ kɛ ha ye huɛmɛ; a ngɛ mi muɔe, pohu dalɔ ji mi; tɔmi be ye he. Be ko nɛ be ɔ, ke i fa kue ha Mawu ɔ, e buɔ mi tue.

Mose I, 19:14

Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Mateo 15:11

Pi nɔ́ nɛ yaa nɔ nya mi ɔ nɛ bleɔ nɔ; mohu ɔ, nɔ́ nɛ jee nɔ nya a lɛ bleɔ nɔ.”

Marko 5:39

Benɛ e sɛ we ɔ mi ɔ, e de mɛ ke, “Mɛni he je nyɛ ngɛ hoo pee nɛ nyɛ ngɛ ya foe kikɛ nɛ ɔ? Jokuɛ ɔ gbo we; mahe kɛkɛ e ngɛ hwɔe.”

Marko 5:41

E nu jokuɛ ɔ nine si, nɛ e de lɛ ke, “Talita kum.” E sisi ji, “Jokuɛ yo, i ngɛ mo dee ke tee si!”