Benɛ ni ɔmɛ a he ba bɔni hiɛmi fuu ɔ, Yesu ya nɔ nɛ e de ke. “Yi nɔ bi nɛ ɔmɛ ɔ, nimli yayamihi ji mɛ! A ngɛ okadi hlae, se a be mɛ eko hae, kaa ja gbalɔ Yona okadi ɔ.
Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.
Nɛ Yesu kɛ mɛ ho. Benɛ e piɛ bɔɔ nɛ e maa su we ɔ mi ɔ, asafoatsɛ ɔ tsɔ e huɛmɛ kɛ ba Yesu ngɔ, nɛ a ba de lɛ ke, “Nyɔmtsɛ, koo hao o he. I sɛ́ kaa i haa nɛ o baa ye we mi.
Kɛkɛ nɛ Yesu bi ke, “Mɛnɔ lɛ ta ye he ɔ?” Ni ɔmɛ tsuo ke, “Kpaoo!” Kɛkɛ nɛ Petro de ke, “Nyɔmtsɛ, ma kpekpemi nitsɛnitsɛ lɛ bɔle mo kɛ kpe nɛ a tɔtɔ nihi babauu mo ɔ nɛ!”
Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.