Marko 5:23 - BAIBLO ALOO NGMAMI KLƆUKLƆU Ɔ

²³ nɛ e fa kue wawɛɛ ha lɛ ke, “Ye biyo wayoo miɔ nɛ e ma gbo. Ba nɛ o kɛ o nine ba pue e nɔ, konɛ e na he wami, nɛ e yi nɛ na wa.”

Somi He Ɔ

²³ nɛ e fa kue ha lɛ wawɛɛ ke: “Ye biyo wayoo miɔ nɛ e ma gbo, he je ɔ ba nɛ o kɛ o ninehi ba pue e nɔ konɛ e na he wami nɛ e yi nɛ na wa.”

Marko 5:23 ပူးပေါင်းရင်းမြစ်များ

Matsɛmɛ II, 5:11

Se Naeman mi mi fu, nɛ e je lejɛ ɔ. Benɛ e yaa a, e de ke, “Hyɛ, i susu kaa e ma ba da si ngɛ ye kasa nya nɛ e ma tsɛ Yawɛ e Mawu ɔ biɛ; nɛ e maa fɔ̃ e nine ngɛ hiɔ nɔ kɛ ya kɛ ba, nɛ e ma tsa mi.

La 107:19

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Mateo 8:3

Yesu kpã e nine mi, nɛ e ta nɔ ɔ he, nɛ e de lɛ ke, “I suɔ; o he nɛ tsɔ!” Amlɔ nɔuu ɔ, hiɔ ɔ ta ngɛ e he.

Marko 16:18

ke a ta sinɔ he, loo a nu duɔ po, nɔ́ ko nɔ́ ko be mɛ pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.”

Marko 5:24

Yesu kɛ nyumu ɔ ho. Nihi babauu nyɛɛ e se nɛ a mia lɛ.

Marko 6:13

A hia mumi yayamihi babauu, nɛ a pɔ hiɔtsɛmɛ babauu nu, nɛ a tsa mɛ.

Marko 7:32

Ni komɛ kɛ tue kpokutsɛ ko nɛ amuɛti hu ji lɛ ba e ngɔ; nɛ a kpa lɛ pɛɛ konɛ e ngɔ e ninehi ngɔ pue e nɔ.

Marko 8:23

Kɛkɛ nɛ Yesu nu hɛ yuyuilɔ ɔ kɔni si, nɛ e kɛ lɛ je kɔpe ɔ mi. Yesu su lada pue nyumu ɔ hɛngmɛ ɔmɛ a nɔ, nɛ e ngɔ e ninehi ngɔ pue e nɔ; nɛ e bi lɛ ke, “O ngɛ nɔ hyɛe lo?”

Luka 13:13

E ngɔ e nine kɛ pue yo ɔ nɔ, nɛ amlɔ nɔuu ɔ, e mi kpã, nɛ e da tlɔmɔɔ, nɛ e je Mawu yi.

Luka 4:38

Yesu je kpe he ɔ, nɛ e ya sɛ Simon we ɔ mi. Jamɛ a be ɔ mi ɔ, Simon nganyɛ fɔɔ si kɛ asla nɛ nya wa. Lɔ ɔ he ɔ, ni ɔmɛ nɛ ngɛ lejɛ ɔ kpa Yesu pɛɛ ke e ba hyɛ yo ɔ.

Luka 4:40

Benɛ pu nɔ si ɔ, nihi nɛ ngɛ nyɛmimɛ nɛ hiɔ slɔɔtohi ngɛ a he ɔ, ngɔ mɛ kɛ ba Yesu ngɔ. Yesu ngɔ e nine pue a nɔ kakaaka, nɛ e tsa mɛ tsuo.

Luka 7:12

Benɛ e su ma a agbo ɔ nya ta a, nimli babauu ji nɛ nɛ je ma a mi kɛ ma. Nyumu ko gbo, nɛ a nyɛɛ gbogboe ɔ se. Nyumu nɛ ɔ, e nyɛ bi kake pɛ ji lɛ; yalɔyo ji e nyɛ ɔ, nɛ nihi babauu ba e ngɔ.

Yohane 11:3

Lɔ ɔ he ɔ, nyɛmiyi ɔmɛ kɛ sɛ mane Yesu ke, “Nyɔmtsɛ, o huɛ nɛ o suɔ lɛ ɔ ngɛ gboe.”

Ni Tsumi 28:8

Publio tsɛ hwɔɔ si kpotoo kɛ asla yaya kɛ mi mi pa. Paulo ya sɛ tsu mi he nɛ e ngɛ ɔ, nɛ e sɔle. E ngɔ e nine ngɔ pue hiɔtsɛ ɔ nɔ, nɛ e tsa lɛ.

Ni Tsumi 6:6

A kɛ mɛ ba da bɔfo ɔmɛ a hɛ mi; kɛkɛ nɛ bɔfo ɔmɛ sɔle, nɛ a kɛ a nine pue a nɔ.

Ni Tsumi 8:17

Jehanɛ, Petro kɛ Yohane ngɔ a nine pue ni ɔmɛ a nɔ, nɛ a na Mumi Klɔuklɔu ɔ.

Ni Tsumi 9:12

nɛ a je tsɔɔ lɛ kaa nyumu ko nɛ a tsɛɛ lɛ Anania a ma e ngɔ nɛ e kɛ e nine ba pue e nɔ konɛ e hyɛ nɔ́ ekohu.”

Ni Tsumi 9:17

Lɔ ɔ he ɔ, Anania pue nɔ kɛ ho we mi he nɛ Saulo ngɛ ɔ ya. E kɛ e nine ya pue e nɔ, nɛ e de lɛ ke, “Ye nyɛmi Saulo, Nyɔmtsɛ ɔ tsɔ mi o ngɔ. Lɛ ji Yesu nɛ je e he kpo tsɔɔ mo benɛ o ma ngɛ blɔ ɔ nɔ ɔ nɛ. E tsɔ mi, konɛ ma ba ha nɛ o hyɛ nɔ́ ekohu, nɛ́ o na Mumi Klɔuklɔu ɔ.”