Marko 5:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, a kpa Yesu pɛɛ ke e je a zugba a mi.

Somi He Ɔ

¹⁷ Nɛ a kpa Yesu pɛɛ ke e je a kpo ɔmɛ a nɔ.

Marko 5:17 ပူးပေါင်းရင်းမြစ်များ

Mateo 8:34

Kɛkɛ nɛ ma a tsuo bu kɛ ba ná Yesu. Benɛ a na lɛ ɔ, a kpa lɛ pɛɛ ke e je a kpokpa a nɔ kɛ ho.

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Ni Tsumi 16:39

Lɔ ɔ he ɔ, Roma kojoli ɔmɛ ba Paulo kɛ Sila a ngɔ, nɛ a ba ye pɔpu. Lɔ ɔ se ɔ, a je mɛ ngɛ tsu ɔ mi, nɛ a de mɛ ke a je ma a mi nɛ a ho.

Luka 8:37

Kɛkɛ nɛ ni ɔmɛ tsuo nɛ je jamɛ a zugba a nɔ ɔ, ba kpa Yesu pɛɛ ke e je a ngɔ nɛ e ho, ejakaa a ye gbeye wawɛɛ. Nɛ e ya sɛ lɛ ɔ mi, nɛ e kpale e se.

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”

Mose I, 26:16

Jehanɛ, Abimelek de Isak ke, “Jee wa zugba a nɔ kɛ ho; o he ba wa tsɔ pe wɔ.”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Mose V, 5:25

Mɛni he je e sa nɛ wa wo wa he kɛ wo gbenɔ mi ekohu? La gegeege ɔ ma ngla wɔ pɛsɛpɛsɛ. Ke wa nu Yawɛ, wa Mawu ɔ gbi ekohu ɔ, wa ma gbo.