Marko 5:13 - BAIBLO ALOO NGMAMI KLƆUKLƆU Ɔ

¹³ E kplɛɛ, nɛ mumi yayami ɔmɛ je nyumu ɔ mi ya sɛ kpotoo ɔmɛ a mi. Kuu nguaa a tsuo, maa pee akpe enyɔ ɔ sa fo kɛ kple si kɛ ya sɛ wo ɔ mi, nɛ a gbo.

Somi He Ɔ

¹³ Nɛ e ngmɛ mɛ blɔ. Mumi yayami ɔmɛ je nyumu ɔ mi nɛ a ya sɛ kpotoo ɔmɛ a mi. Kuu ngua a tsuo, (maa pee akpe enyɔ) sa fo kɛ kple si kɛ ya pue wo ɔ mi nɛ a gbo.

Marko 5:13 ပူးပေါင်းရင်းမြစ်များ

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Hiob 1:12

Yawɛ de Satan ke, “Saminya! Nɔ́ tsuaa nɔ́ nɛ ngɛ Hiob dɛ ɔ, i ngɔ kɛ wo o dɛ. Se lɛ nitsɛ e nɔmlɔ tso ɔ lɛɛ o nine ko ta he.” Kɛkɛ nɛ Satan je Mawu he.

Hiob 2:6

Yawɛ de Satan ke, “Saminya! E ngɛ o dɛ mi; e hɛ mi kɛkɛ nɛ o ko kpata.”

Mateo 7:6

“Nyɛ ko ngɔ níhi nɛ ngɛ klɔuklɔu ngɔ ha gbehi; ke nyɛ pee jã a, a ma plɛ wo nyɛ, nɛ a ma tua nyɛ. Nyɛ ko sake nyɛ june ngɔ pue kpotoohi a blɔ mi; ke nyɛ pee jã a, a maa naa nɔ.

Mateo 8:32

Yesu de mɛ ke, “Yoo, nyɛɛ ya!” Kɛkɛ nɛ a je kpo, nɛ a ya sɛ kpotoo ɔmɛ a mi. Si kake too ɔ, kpotoo kuu ɔ tsuo wo fo kɛ kple kɔ̃ ɔ kɛ ya sɛ wo ɔ mi, nɛ mɛ tsuo a hɛ mi kpata.

Marko 5:12

Mumi yayami ɔmɛ kpa Yesu pɛɛ ke, “Ha nɛ wa ya sɛ kpotoo ɔmɛ a mi.”

Marko 5:14

Kpotoo nɔ hyɛli ɔmɛ tu fo nɛ a ya sɛɛ nɔ́ nɛ ɔ ngɛ ma a, kɛ kɔpe ɔmɛ a mi. Ni ɔmɛ je kpo konɛ a ba hyɛ nɔ́ nɛ ba a.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Kpojemi 20:7

Jeha akpe ɔ se ɔ, a ma je Satan ngɛ tsu ɔ mi,

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.