Marko 4:41 - BAIBLO ALOO NGMAMI KLƆUKLƆU Ɔ

⁴¹ Se mɛɛ a he mi po, nɛ a bi a he ke, “Mɛnɔ ji nɛ ɔ nɛ kɔɔhiɔ kɛ wo tete buɔ lɛ tue nɛ ɔ!”

Somi He Ɔ

⁴¹ A ye gbeye nitsɛ, nɛ a de a he ke: “Mɛnɔ po ji nɛ ɔ, nɛ kɔɔhiɔ kɛ wo tete buɔ lɛ tue nɛ ɔ!

Marko 4:41 ပူးပေါင်းရင်းမြစ်များ

Hiob 38:11

I de wo ɔ ke, “Moo fia kɛ ba su hiɛ ɔ pɛ; koo be he! O we oslɔke ngua amɛ ɔ, he nɛ a ma ba ta ji nɛ ɔ nɛ.”

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

Malaki 2:5

“I wo mɛ si ke ma ha mɛ wami, kɛ tue mi jɔmi, nɛ i pee ja konɛ a bu mi. Niinɛ, jamɛ a be ɔ mi ɔ, a buu mi, nɛ a yeɔ mi gbeye.

Mateo 14:32

Kɛkɛ nɛ a sɛ lɛ ɔ mi, nɛ kɔɔhiɔ ɔ kpa fiami.

Mateo 8:27

Ni ɔmɛ a nya kpɛ a he, nɛ nɔ́ nɛ nɔ tsuaa nɔ ngɛ bie ji, “Mɛni nɔmlɔ slɔɔto ji nɛ ɔ, nɛ kɔɔhiɔ, kɛ wo tete buɔ lɛ tue?”

Marko 4:40

Kɛkɛ nɛ Yesu de e kaseli ɔmɛ ke, “Mɛni he je nyɛ ngɛ gbeye yee kikɛ nɛ ɔ? Kɛ pee kɛɛ loko nyɛ be hemi kɛ yemi ɔ?”

Marko 5:1

Yesu kɛ e kaseli ɔmɛ ba Galilea wo ɔ se ngɛ Gerasa bi ɔmɛ a zugba a mi.

Marko 5:33

Akɛnɛ yo ɔ le nɔ́ nɛ a pee ha lɛ he je ɔ, e kɛ gbeye yemi, kɛ he domi ba kpla si ngɛ Yesu hɛ mi, nɛ e de lɛ anɔkuale ɔ tsuo.

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”

Luka 4:36

Ni ɔmɛ tsuo a he mi po, nɛ a bi a he ke, “Mɛni nyakpɛ munyu po ji nɛ ɔ? Nyumu nɛ ɔ kɛ he wami ngaa mumi yayamihi a yi, kɛkɛ a jeɔ kpo!”

Luka 8:25

Kɛkɛ nɛ Yesu bi e kaseli ɔmɛ ke, “Jije nyɛ hemi kɛ yemi ɔ ngɛ?” Se kaseli ɔmɛ a he mi po, nɛ a ye gbeye, nɛ a de a sibi ke, “Mɛni nɔmlɔ po ji nɛ ɔ? E ngaa kɔɔhiɔ, kɛ nyu tete po yi, nɛ a buɔ lɛ tue!”

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Samuel I, 12:24

Nɔ́ nɛ sa nyɛ peemi kɛkɛ ji nyɛɛ ye Yawɛ gbeye, nɛ nyɛ kai ní nguahi nɛ e pee ha nyɛ ɔ.