Marko 4:40 - BAIBLO ALOO NGMAMI KLƆUKLƆU Ɔ

⁴⁰ Kɛkɛ nɛ Yesu de e kaseli ɔmɛ ke, “Mɛni he je nyɛ ngɛ gbeye yee kikɛ nɛ ɔ? Kɛ pee kɛɛ loko nyɛ be hemi kɛ yemi ɔ?”

Somi He Ɔ

⁴⁰ Kɛkɛ nɛ Yesu de mɛ ke: “Mɛni he je nɛ nyɛ ngɛ gbeye yee kikɛ nɛ ɔ? Kɛ pee kɛɛ loko nyɛ be hemi kɛ yemi nɛ ɔ?”

Marko 4:40 ပူးပေါင်းရင်းမြစ်များ

Yesaya 42:3

Ngɔwu nɛ mi dɔ momo ɔ, e be mi kue, nɛ kane nɛ ngɛ tsoe sulii ɔ, e be gbee. E maa ye dami sane kɛ maa ya neneene.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Mateo 14:31

Amlɔ ɔ, Yesu kpã e nine mi, nɛ e pɛtɛ e he, nɛ e de lɛ ke, “Mo nɛ o hemi kɛ yemi pi! Mɛni he je nɛ o je nɔ́?”

Mateo 16:8

Yesu le nɔ́ nɛ a ngɛ dee ɔ, lɔ ɔ he ɔ, e bi mɛ ke, “Mɛni he je nyɛ ngɛ ní sɛɛe ngɛ niye ní nɛ nyɛ hɛɛ we he ɔ? Nyɛ hemi kɛ yemi pi pɛ!

Mateo 6:30

Nga, nɛ mwɔnɛ ɔ e bɔ, nɛ hwɔɔ kɛkɛ a sake kɛ fɔ la mi ɔ, hyɛ bɔ nɛ Mawu mia lɛ saminyayoo ha! Anɛ Mawu be nyɛe nɛ e pee enɛ ɔ kɛ be nɔ ha nyɛ lo! Oo, nyɛ hemi kɛ yemi pi saasaa!

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Marko 4:41

Se mɛɛ a he mi po, nɛ a bi a he ke, “Mɛnɔ ji nɛ ɔ nɛ kɔɔhiɔ kɛ wo tete buɔ lɛ tue nɛ ɔ!”

Luka 8:25

Kɛkɛ nɛ Yesu bi e kaseli ɔmɛ ke, “Jije nyɛ hemi kɛ yemi ɔ ngɛ?” Se kaseli ɔmɛ a he mi po, nɛ a ye gbeye, nɛ a de a sibi ke, “Mɛni nɔmlɔ po ji nɛ ɔ? E ngaa kɔɔhiɔ, kɛ nyu tete po yi, nɛ a buɔ lɛ tue!”