Marko 4:37 - BAIBLO ALOO NGMAMI KLƆUKLƆU Ɔ

³⁷ Kɛkɛ nɛ wo nɔ kɔɔhiɔ nɛ nya wa hia, nɛ oslɔke bɔni kumi kɛ ngɛ lɛ ɔ mi woe, nɛ nyu miɔ nɛ e ma hyi lɛ ɔ.

Somi He Ɔ

³⁷ se wo nɔ kɔɔhiɔ ngua ko ba fia nɛ oslɔkehi ku wo lɛ ɔ mi, nɛ e ngɛ hyie.

Marko 4:37 ပူးပေါင်းရင်းမြစ်များ

Hiob 1:12

Yawɛ de Satan ke, “Saminya! Nɔ́ tsuaa nɔ́ nɛ ngɛ Hiob dɛ ɔ, i ngɔ kɛ wo o dɛ. Se lɛ nitsɛ e nɔmlɔ tso ɔ lɛɛ o nine ko ta he.” Kɛkɛ nɛ Satan je Mawu he.

Hiob 1:19

Tlukaa a, kɔɔhiɔ nɛ nya wa hia kɛ je nga a nɔ blɔ kɛ ba na tsu ɔ kɔ nya eywiɛ ɔmɛ tsuo, nɛ tsu ɔ hule ngɔ pue nihewi ɔmɛ, kɛ yihewi ɔmɛ a nɔ, nɛ mɛ tsuo a gbo. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Yona 1:4

Se Yawɛ ha kɔɔhiɔ nɛ nya wa ko hia ngɛ wo ɔ nɔ, nɛ wo kɔɔhiɔ nɛ ɔ he wami ɔ miɔ nɛ e maa ywia lɛ ɔ.

Marko 4:36

Lɔ ɔ he ɔ, kaseli ɔmɛ si nimli kpekpemi ɔ, nɛ a ya piɛ Yesu he ngɛ lɛ ɔ mi, nɛ a kɛ lɛ ho. Lɛ kpa komɛ hu fie a se.

Marko 4:38

Be nɛ ɔ mi tsuo ɔ, Yesu tslɔ sɔnue kɛ hwɔɔ si ngɛ lɛ ɔ supa je. Kaseli ɔmɛ ba tsɛ̃ɛ̃ lɛ nɛ a de lɛ ke, “Tsɔɔlɔ, nɛ wa hɛ mi ngɛ kpatae nɛ ɔ, pi o he sane ko lo?”

Ni Tsumi 27:41

Lɛ ɔ ya hɛ zia kpɔ, nɛ e pu zu; e yiti ɔ ya hɛ si kpɛii, se e supa a lɛɛ oslɔke ɔ ywia lɛ wɔtsɔwɔtsɔ.

2 Korintobi 11:25

Roma nikɔtɔma amɛ fia mi kpa si etɛ; a fia mi tɛ si kake. I kɛ lɛ butu si etɛ, nɛ i ye ligbi kake, nyɔ kɛ pia ngɛ wo mi.