Marko 4:35 - BAIBLO ALOO NGMAMI KLƆUKLƆU Ɔ

³⁵ Jamɛ a ligbi ɔ nɔuu, benɛ e su gbɔkuɛ nya si ɔ, Yesu de e kaseli ɔmɛ ke, “Nyɛ ha waa po wo ɔ kɛ ya e se je.”

Somi He Ɔ

³⁵ Jamɛ a ligbi ɔ nɔuu, benɛ su gbɔkuɛ nya si ɔ, Yesu de e kaseli ɔmɛ ke: “Nyɛ ha waa po wo ɔ kɛ ya e se je.

Marko 4:35 ပူးပေါင်းရင်းမြစ်များ

Mateo 8:18

Benɛ Yesu na nihi babauu nɛ bɔle lɛ kɛ kpe ɔ, e fa e kaseli ɔmɛ ke a ya wo ɔ se je.

Luka 8:25

Kɛkɛ nɛ Yesu bi e kaseli ɔmɛ ke, “Jije nyɛ hemi kɛ yemi ɔ ngɛ?” Se kaseli ɔmɛ a he mi po, nɛ a ye gbeye, nɛ a de a sibi ke, “Mɛni nɔmlɔ po ji nɛ ɔ? E ngaa kɔɔhiɔ, kɛ nyu tete po yi, nɛ a buɔ lɛ tue!”

Luka 8:22

Ligbi ko ɔ, Yesu kɛ e kaseli ɔmɛ ya sɛ lɛ mi, nɛ e de mɛ ke, “Nyɛ ha nɛ waa po mi kɛ ya Genesaret taku ɔ se je.” Kɛkɛ nɛ a pue nɔ.

Mateo 14:22

Enɛ ɔ se ɔ, Yesu ha e kaseli ɔmɛ sɛ lɛ ɔ mi, nɛ e de mɛ ke a sɛ hlami kɛ ya wo ɔ se je. Kɛkɛ nɛ e wo ma kpekpemi ɔ hu blɔ.

Marko 8:13

Kɛkɛ nɛ e je a he nɛ e ya sɛ lɛ mi ekohu kɛ ho wo ɔ se ya.

Yohane 6:25

Benɛ ni ɔmɛ ba na Yesu ngɛ taku ɔ se ɔ, a bi lɛ ke, “Tsɔɔlɔ, mɛni be o ba hiɛmɛ nɛ ɔ?”

Yohane 6:17

A ya sɛ lɛ mi, nɛ a ngɔ a hɛ mi kɛ pi Kapernaum, nɛ a ngɛ taku ɔ poe kɛ yaa. Jehanɛ ɔ du bu, se loloolo ɔ, a nɛ Yesu hɛ mi.

Yohane 6:1

Enɛ ɔmɛ a se ɔ, Yesu po Galilea taku ɔ nɛ a tsɛɛ Tiberia taku hulɔ ɔ.

Marko 6:45

Amlɔ nɔuu ɔ, Yesu ha e kaseli ɔmɛ ya sɛ lɛ mi, konɛ a sɛ e hlami kɛ ya Betsaida ngɛ wo ɔ se; lɛ nitsɛ lɛɛ e maa wo ni ɔmɛ blɔ loko e maa je.

Marko 5:21

Yesu sɛ lɛ ɔ mi kɛ kpale kɛ ho wo ɔ se ya, nɛ nihi babauu ba bu e nɔ ngɛ wo ɔ nya.