Marko 4:31 - BAIBLO ALOO NGMAMI KLƆUKLƆU Ɔ

³¹ E ngɛ kaa nɔ ko nɛ ngɔ wu nyafii pe kulaa ngɛ je ɔ mi ya du.

Somi He Ɔ

³¹ E ngɛ kaa sinapi wu nɛ ji wu nyafii pe zugba nɔ wuhi tsuo.

Marko 4:31 ပူးပေါင်းရင်းမြစ်များ

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Yesaya 60:22

Wɛtso nyafii pe kulaa ma ba pee ma kpetekpleenyɛ. Ke be ɔ su ɔ, imi nitsɛ ma ha nɔ́ nɛ ɔ maa ba mi oya. Imi ji Yawɛ!”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Zakaria 12:8

Ma bu nihi nɛ ngɛ Yerusalem jamɛ a be ɔ a he. A ti nɔ wudɔwudɔ pe kulaa po maa pee kaa David. David nina maa nyɛɛ a hɛ mi kaa Yawɛ bɔfo, loo imi Mawu nitsɛ.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Marko 4:30

Yesu bi mɛ ke, “Mɛni he wa maa ngɔ Mawu matsɛ yemi ɔ kɛ to? Aloo mɛni abɛ wa maa bu kɛ tsɔɔ nya?

Marko 4:32

Be bɔɔ se ɔ, wu ɔ puɛɔ nɛ e ba kleɔ pe pu mi tso ɔmɛ tsuo. E tsɛ̃ɔ kɔni nguanguahi, nɛ lohwe pɛlitsɛmɛ peeɔ a tsu ngɛ kɔni ɔmɛ a nɔ.”

Luka 17:6

Nyɔmtsɛ ɔ he nɔ ke, “Nyɛ hemi kɛ yemi kle kaa sinapi wu ngu kake jinɛ nyɛ ko fa sikamore tso nɛ ɔ ke e hia kɛ e sipoku kɛ je zu mi kɛ ya ma wo mi, nɛ e maa bu nyɛ tue.

Ni Tsumi 19:20

Nyakpɛ ní nguanguahi nɛ a tsu nɛ ɔ ha nihi babauu ngɛ hehi fuu ba nu Nyɔmtsɛ ɔ munyu ɔ, nɛ a he ye.

Ni Tsumi 2:41

Nihi babauu he e sɛ gbi ɔ ye, nɛ a sɔle mɛ. Jamɛ a ligbi ɔ, a na nimli maa pee akpe etɛ kɛ piɛ a he.

Ni Tsumi 21:20

Benɛ a bu lɛ tue kɛ ya si nyagbe ɔ, mɛ tsuo a je Mawu yi. Kɛkɛ nɛ a de lɛ ke, “Wa nyɛmi Paulo, hyɛ, Yuda bi akpe abɔ nɛ he ye nɛ ɔ, o le bɔ nɛ a fiɛ we Mose mlaa a he ha.

Ni Tsumi 4:4

Se nihi nɛ ba bu sɛ gbi ɔ tue ɔ, a ti nihi babauu nɛ maa su akpe enuɔ he ye.

Ni Tsumi 5:14

Se kɛ̃ ɔ, nyumuhi, kɛ yihi babauu nɛ heɔ Nyɔmtsɛ ɔ yeɔ ɔ ba piɛ asafo ɔ he.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”