Marko 4:29 - BAIBLO ALOO NGMAMI KLƆUKLƆU Ɔ

²⁹ Ke ngma a wa a, nyumu ɔ ngɔɔ ngma kpami ha a kɛ yaa amlɔ nɔuu, ejakaa ngma kpami be ɔ su.”

Somi He Ɔ

²⁹ Ke ngma a wa a, nyumu ɔ haa nɛ a kɛ ngma kpami ha a yaa, ejakaa ngma kpami be ɔ su.

Marko 4:29 ပူးပေါင်းရင်းမြစ်များ

Yoel 3:13

Yiwutsotsɛmɛ ji mɛ; poo mɛ ngɔ pue si kaa bɔ nɛ a pooɔ blɛfo tsohi pueɔ si ngɛ ní kpami be mi ɔ; ngaa a mi kaa bɔ nɛ a ngaa wai yiblii mi ngɛ wai ngami he kɛ ya siɔ e hyiɔ muɔ ɔ, nɛ e pueɔ si ɔ.”

Mateo 13:30

Nyɛ ha ngma a, kɛ hu ɔ tsuo nɛ wa kɛ yaa si ngma kpami be ɔ. Ke ngma kpami be ɔ su ɔ, ma de ní tsuli ɔmɛ ke a bua hu ɔ nya kekle nɛ a fi, konɛ a sã. Lɔ ɔ se loko ma ha nɛ a bua ngma a nya kɛ wo ye gba a mi.’ ”

Hiob 5:26

O maa bwɔ kotokoto loko o ma gbo, kaa bɔ nɛ ngma waa saminya loko a kpaa a.

Marko 4:28

Zugba a nitsɛ lɛ haa ní ɔmɛ waa nɛ a woɔ yiblii, ba mumu ɔ kekle, kɛkɛ ɔ tso ɔ, nɛ lɔ ɔ se ɔ, ngma a nitsɛ ngɛ tso ɔ yi mi.

Kpojemi 14:18

Bɔfo kpa hu nɛ ngɛ he wami ngɛ la nɔ je bɔ sami la tɛ ɔ he kɛ ba. E kpa ngmlaa wawɛɛ nɛ e de bɔfo ɔ nɛ hɛɛ ngma kpami ha nɛ nya ba a ke, “Ngɔɔ o ha nɛ nya ba a kɛ poo wai yiblii ɔmɛ, nɛ o bua nya. Wai yiblii ɔmɛ fu ngɛ ngmɔ ɔ nɔ.”